ԱՄՆ-ն և Գերմանիան տարբեր հայացքներ ունեն ուկրաինական կարգավորման մեթոդների և Ռուսաստանի հետ հարաբերությունների վերաբերյալ

ԱՄՆ և Գերմանիայի հայացքներն ուկրաինական կարգավորման մեթոդների և Ռուսաստանի հետ հարաբերությունների վերաբերյալ տարբեր են: Մոտավորապես այսպիսի եզրակացություն կարելի է անել ԱՄՆ նախագահ Դոնալդ Թրամփի և Գերմանիայի կանցլեր Անգելա Մերկելի առաջին անձնական հանդիպումից հետո:

Ինչպես գրում է Reuters-ը, նրանց համար դժվար է եղել քողարկել անհամաձայնությունը, և, հավանաբար, այդ պատճառով հանդիպումից հետո Վաշինգտոնում մարտի 17-ին կայացած հանդիպումից հետո անցկացրած մամուլի ասուլիսը մի փոքր կաշկանդված է անցել:

Թրամփն ու Մերկելն առաջին անգամ են հանդիպել: Սպասվում էր, որ այդ հանդիպումը կօգնի որոշել տրանսատլանտյան միության ապագան և տոն կհաղորդի երկու երկրների միջև աշխատանքային հարաբերություններին:

Մերկելն իրեն հանգիստ ոչ լարված է պահել, զրույցի երկու մասնակիցների դիրքից ու շարժումներից պարզ էր, որ նրանց միջև հարաբրություններն ամենաջերմը չեն:

Մամուլի ասուլիսն ավարտվել է էլ ավելի տարօրինակ՝ հեռախոսների գաղտնալսման մասին Թրամփի արած և Մերկելին ակնհայտորեն ցնցած հայտարարությամբ:

Թրամփը Մերկելի ձեռքը սեղմել է, երբ նա նոր էր Սպիտակ տուն մտել, սակայն ավելի ուշ արդեն Օվալաձև կաբինետում նա, չգիտես ինչու, կրկին դա չի արել: Մերկելը մի քանի անգամ խոնարհվել է դեպի նա, սակայն Թրամփն անտեսել է նրան՝ շարունակելով նստած մնալ՝ լայն բացելով ոտքերը, մատները միահյուսած և ուղիղ իր առջև նայելով:

Ընդ որում, երկու առաջնորդներն էլ, պատասխանելով լրագրողների հարցերին, կայացած հանդիպումը հակիրճ բնութագրել են որպես շատ արդյունավետ:

Մերկելն ասուլիսին իր ելույթը սկսել է խոսքերից այն մասին, որ միշտ ավելի լավ է խոսել միմյանց հետ, քան միմյանց մասին:

Մամուլի ասուլիսից անմիջապես հետո Թրամփը հայտարարել է, որ Գերմանիան պետք է իր բյուջեն համապատասխանեցնի ՆԱՏՕ-ի՝ ռազմական ծախսերի վերաբերյալ պլաններին: Մերկելն իր հերթին հաստատել է գերմանական կառավարության մտադրությունը պաշտպանության համար ծախսերը 2%-ի [ՀՆԱ-ի] հասցնելու վերաբերյալ:

«Ես կանցլեր Մերկելին հայտնել եմ իմ վճռական աջակցությունը ՆԱՏՕ-ին, ինչպես նաև նրան, որ ՆԱՏՕ-ի մեր դաշնակիցները պետք է իրենց ներդրումն ունենան ռազմական բյուջեում: Շատ պետություններ վերջին տարիներին հսկայական գումարներ են պարտք մնացել, և դա անարդարացի է ԱՄՆ հանդեպ: Այդ պետությունները պետք է պարտքերը մարեն»:

Այնուհետև Թրամփը հերթական անգամ կրկնել է այն պնդումը, որ Օբամայի վարչակազմը գաղտնալսել է իր հեռախոսը, և աջակցության համար դիմել է Մերկելին՝ ակնարկելով, որ գերմանական կառավարությունն ինչ-որ ժամանակ առաջ նույնպես մեղադրել է Վաշինգտոնին կանցլերին գաղտնալսելու համար:

Թրամփն ասել է. «Ինչ վերաբերում է նախորդ վարչակազմի կողմից իրականացրած գաղտնալսումներին, կարծում եմ, այստեղ համենայն դեպս մենք ինչ-որ ընդհանրություններ ունենք»: Ակնարկն ակնհայտորեն ուժեղ զարմացրել է Մերկելին:

Ըստ ամենայնի, գրում է Reuters-ը, չնայած քաղաքական հայացքներում մեծ տարբերություններին և Գերմանիայի ընդհանուր առմամբ զգուշավոր վերաբերմունքին նյույորքցի նախկին բիզնեսմենին, Անգելա Մերկելը փորձելու է նրա հետ ամուր աշխատանքային հարաբերություններ ստեղծել:

«Նրանք, ովքեր ծանոթ են կանցլերին, գիտեն, որ նա կարող է զրուցակցին տրամադրել դեպի իրեն, — ասել է գերմանական օրենսդիր ժողովի անդամ Յուրգեն Հարդտը, որը զբաղվում է գերմանական կառավարության տրանսատլանտյան հարաբերությունների հարցերով: – Վստահ եմ, որ Թրամփը չի դիմանա»:

Մեկ շաբաթ առաջ Reuters-ը գրում էր, որ նախագահ Դոնալդ Թրամփը մտադիր է կանցլեր Անգելա Մերկելից խորհուրդ հարցնել, թե ինչպես գործել Ռուսաստանի նախագահ Վլադիմիր Պուտինի հետ հարաբերույթուններում և ուկրաինական խնդրի առումով:

«Նախագահի համար շատ հետաքրքիր կլինի իմանալ, թե Պուտինի հետ ինչպիսի շփման փորձ ունի կանցլերը», — ըստ Reuters-ի մարտի 10-ի հաղորդագրության՝ ասել է մի պաշտոնյա:

Reuters-ի ակնարկում ասվում էր նաև, որ Թրամփը Մերկելին կխնդրի խորհուրդ տալ, թե ինչպես ԱՄՆ-ն ավելի արդյունավետ կերպով կարող է աջակցել արևմտյան Ուկրաինայի կոնֆլիկտի լուծման ուղղությամբ արվող դիվանագիտական ջանքերին, որտեղ ուկրաինական բանակը պատերազմում է ռուսամետ ապստամբների հետ:

Սակայն, թե ինչպես է Ռուսաստանի հետ հարաբերությունների և ուկրաինական կոնֆլիկտի հարցը քննարկվել Վաշինգտոնում նոր ավարտված բանակցություններին, միջազգային լրատվամիջոցները դեռևս չեն հաղորդում: