Ադրբեջանի խոշորագույն հիդրաէլեկտրակայանը վերագործարկվել է կապիտալ վերակառուցումից հետո

Facebook2TwitterE-mailVkontakteCopy LinkMessenger

Ադրբեջանի խոշորագույն հիդրաէլեկտրակայանը՝ Մինգեչաուրի հէկ-ը, փետրվարի 27-ին վերագործարկել է իր աշխատանքը յոթամյա կապիտալ վերանորոգումից հետո: Ադրբեջանի նախագահ Իլհամ Ալիևը մասնակցել է հէկ-ի վերագործարկման հանդիսավոր արարողությանը:

Վերակառուցումից հետո Մինգեչաուրի հէկ-ի հզորությունը 284 մեգավատտից հասել է 424-ի, այսինքն՝ մեկուկես անգամ ավելացել է: Վերակառուցման աշխատանքների ընթացքում փոխվել են անպիտան տուրբիններն ու գեներատորը: Ներկա պահին էլեկտրակայանում 130 մարդ է աշխատում:

Մինգեչուրի հէկ-ը կառուցվել է 9 տարվա ընթացքում և շահագործման է հանձնվել 1954թ-ին: Ադրբեջանական լրատվամիջոցներն այն Հարավային Կովկասի խոշորագույն հէկ են անվանում, սակայն Վրաստանում գտնվող Ինգուրի հէկ-ը գերազանցում է դրան մի քանի պարամետրերով: