Telegraph-ը բրիտանացիներին խորհուրդ է տալիս Վրաստան մեկնել

Բրիտանական Telegraph-ը նյութ է հրապարակում, որը նվիրված է Վրաստանին՝ մի երկրի, որն, ըստ պարբերականի,  հետաքրքիր զբոսաշրջային ուղղություն է: Հոդվածը ցանկի տեսքով է: Ընդհանուր 10 կետ է նշվում, որոնք, ինչպես կարծում է Telegraph-ը, հայտնի չեն բրիտանացիների մեծ մասին:

«Տեղակայվ ած լինելով Ասիայի և Եվրոպայի խաչմերուկում՝ այս խիզախ երկիրն այնքան շատ բան է առաջարկում՝ ձնածածկ լեռներից մինչև ավազե ափեր, բլրաշատ խաղողի այգիներ, հինավուրց քաղաքներ և վանքեր, որոնք ներառված են ՅՈւՆԵՍԿՕ-ի ցանկում: Այսօր նա նշում է երբեմնի Ռուսական կայսրությունից իր անկախացման 99-ամյակը: Այդ օրը նշելու համար թվարկենք մի քանի բան, որոնք կարող եք չիմանալ այդ եվրասիական գեղեցկուհու մասին», — ասված է Telegraph-ի նյութում:

Իրականում դա Վրաստան չէ

Վրացիներն իրենց երկիրը Սաքարթվելո են անվանում, գրում է Telegraph-ը:  «Այնքան էլ հասկանալի չէ, թե որտեղից է եկել Georgia անվանումը, սակայն տեսություններից մեկն ասում է, որ միջին դարերում այն ներմուծվել է քրիստոնյա խաչակիրների կողմից Սուրբ Գեորգիին երկրի նվիրվածության համար»:

Նրանք սիրում են Սուրբ Գեորրգիին

«О, այո: Այդ մասին է վյայում Թբիլիսիի կենտրոնում տեղակայված հսկայական ոսկե արձանը, որը նրան է պատկերում վիշապին սպանելիս»:

Դա եվրոպայի ամենաբարձրադիր երկրներից մեկն է

Telegraph-ն իր ընթերցողներին առաջարկում է մոռանալ Ալպերի մասին և ձմեռային արձակուրդներն անցկացնել Կովկասյան լեռների լանջին, որոնք հայտնի են իրենց վստահելի ձնով, կոկիկ մայրուղիներով և հաճելի ցածր գներով: «Բարձրադիր Վրաստանը կարող է պարծենալ ցնցող տեսարաններով, բուժիչ օդով և դահուկային հանգստավայրերով»:

Խոսելով ցածր գների մասին…

Վրաստանն ամենացածր գներ ունեցող երկրների հնգյակում է՝ ըստ Numbeo հայտնի հետազոտական պորտալի, գրում է Telegraph-ը: Պարբերականի կարծիքով՝ այս տեղեկատվությունն առանձնակի օգտակար կլինի բրիտանացիների համար, որոնք շատ բան իրենց չեն կարող թույլ տալ ֆունտի թուլացման պատճառով:

«Հորեղբայր Ջոն» մինչև հիմա Վրաստանում է

Telegraph-ը «Հորեղբայր Ջո» է անվանում Ստալինին: Վրաստանում, որը խորհրդային բռնապետ Իոսիֆ Ստալինի հայրենիքն է, մինչ այսօր նրա երկրպագուների նեղ շրջանակ կա, գրում է բրիտանական պարբերականը:

«Նրա իշխանությունը Խորհրդային Միությունում աչքի էր ընկնում բռնաճնշումներով, սովով և աշխատանքային ճամբարներով, սակայն, Reuters-ի նախորդ տարվա հաշվետվության համաձայն, Ստալինն իր հայրենիքում դեռևս բավականին շատ երկրպագուներ (հիմնականում՝ տարեց) ունի: Այստեղ պետք է նշել, որ շատ վրացիներ նրան բռնապետ են համարում, ինչպիսին էլ որ կար: Այնուամենայնիվ, դուք հեշտությամբ կարող եք գտնել հորեղբայր Ջոին պատրեկող նկարներ և այլ պարագաներ տեղական շուկաներում»:

Այնտեղ է գտնվում Եվրոպայի հնագույն քաղաքներից մեկը

«Վրաստանի արևմուտքում գտնվող Քութայիսի քաղաքը, սկսած մեր թվարկությունից առաջ երկրորդ հազարամյակից, Կոլխիդայի թագավորության՝ Հարավային Կովկասի հին շրջանի մայրաքաղաքն է եղել: Այդ կորած քաղաքը բազմիցս դարձել է վրացի թագավորների, ռուսների և օսմանական ղեկավարների միջև կոնֆլիկտների կենտրոն, իսկ Խորհրդային Միության տարիներին վերածվել է արդյունաբերական կենտրոնի», — գրում է Telegraph-ը: Վրացական առաջին մայրաքաղաքի մասին ավելի մանրամասն իմանալու համար պարբերականը խորհուրդ է տալիս այցելել Քութայիսիի պետական պատմական թանգարան, որտեղ պահպանվում է Վրաստանի պատմության և մշակույթի հետ կապված  16 հազար նմուշ:

Վրաստան հասնելը հեշտ չէ

Telegraph-ը կարծում է, որ եվրոպական երկրներից ուղիղ ավիաչվերթների փոքր քանակի պատճառով Վրաստան են ուղևորվում միայն ամենաանվախ ճանապարհորդները: Միաժամանակ, հասնելով այնտեղ, կարող ես զգալ, որ «այդ վայրը քոնն է»:

Թբիլիսի՝ հանգստի անթերի վայր

«Իհարկե դա բարդ է, սակայն, երբ դուք վերջապես հասնեք Վրաստանի մայրաքաղաք, մոդերն ոճի ճարտարապետությամբ, աշխույժ բարերով և նորաձև ռեստորաններով քաղաք կգտնեք, որտեղ համեղ տեղական ուտեստներ են մատուցում», — գրում է Telegraph-ը:

Լեգենդար վրացական հյուրընկալությունը

Պարբերականը նկարագրում է վրացական հյուրընկալությունը որպես աղմկոտ զվարճանք՝ աշխույժ կատակներով: «Երբեմն այն նախատեսում է գինեխմություն այծեղջյուրից», — գրում է Telegraph-ը:

Ֆուտուրիստական ճարտարապետությունն ամենուր է

Չնայած իր հին շուքին՝ նորարարություններից նա չի խորշում: Իրականում նա ֆուտուրիստական ճարտարապետության կողմնակից է: Այդ փաստի մասին, ինչպես գրում է պարբերականը, վկայում է Վարստանի խորհդարանի շենքը, որը գտնվում է Քութայիսիում: