Հարավային Օսիան ապրիլի 9-ին նախագահ է ընտրում
Հարավային Օսիայի խորհրդարանը նշանակել է հանրապետության նախագահի ընտրությունների օրը: Դրանք տեղի կունենան ապրիլի 9-ին:
Այսօրվա դրությամբ Հարավային Օսիայի նախագահի պաշտոնում իրենց թեկնածությունն առաջադրելու մտադրություն են հայտնել հանրապետության գործող նախագահ Լեոնիդ Տիբալովը, նախկին նախագահ (2001-2011թթ.) Էդուարդ Կոկոյտին, ինչպես նաև ներկայում խորհրդարանի խոսնակ Անատոլի Բիբիլովը:
Ընտրությունների օրը հայտարարելուց հետո սկսվել է ընտրարշավը, և իր աշխատանքներն է սկսել Կենտրոնական ընտրական հանձնաժողովը:
Կոկոյտիի՝ քաղաքականություն վերադառնալու և նախագահի պաշտոնում թեկնածություն առաջադրելու որոշումը ոչ միանշանակ արձագանքի տեղիք է տվել Հարավային Օսիայում: Մանրամասները և վերլուծությունը՝ JAMnews-ի ՀՈԴՎԱԾՈՒՄ:
