Nutella-ի գների զեղչերը քաոս են առաջացրել ֆրանսիական խանութներում

Nutella մածուկի վերաբերյալ զեղչ հայտարարելու ֆրանսիական Intermarche հիպերմարկետների ցանցի ղեկավարության որոշումը խանութներում քաոսի պատճառ է դարձել, հաղորդում է անգլիական Guardian թերթը:

Գնորդները իրարանցման մեջ հայհոյում էին և կռվում միմյանց հետ, հրում տարեցներին և երեխաներին: Մի շարք դեպքերում բանը հասնում էր ոստիկանություն կանչելուն: Ֆրանսիայում ամենապոպուլյար քաղցրավենիքի զեղչը 70 տոկոս էր կազմում՝ 4,50 եվրոյից մինչև 1,40 եվրո 950 գրամանոց տուփի համար:

NPR ռադիոկայանի տվյալներով՝ ֆրանսիական իշխանությունները դիտարկում են Intermarche ցանցին դեմփինգի համար մեղադրելու տարբերակը: