Gallup. ՆԱՏՕ-ին սատարելու ցուցանիշը հետխորհրդային երկրներից ամենաբարձրը Վրաստանում է

Gallup ընկերության կողմից անցկացրած հասարակական կարծիքի հարցման համաձայն՝ Վրաստանում հարցվածների միայն 8%-ն է ՆԱՏՕ-ն սպառնալիք համարում: 37%-ը կարծում է, որ Հյուսիսատլանտյան դաշինքն ասոցացվում է երկրի պաշտպանության հետ:

Հարցման համաձայն՝ հետխորհրդային 10 երկրներից Վրաստանում  աջակցությունը ՆԱՏՕ-ին ամենաբարձրն է:

Առավել զգուշավոր են ՆԱՏՕ-ին վերաբերվում Ռուսաստանում, որտեղ արևմտյան ռազմական բլոկն ասոցացվում է հարցվածների 67%-ի մոտ, և միայն 3%-ի մոտ՝ պաշտպանության:

Ուկրաինայում հարցվածների 29%-ը ՆԱՏՕ-ն կապում է անվտանգության, իսկ 35%-ը՝ սպառնալիքի հետ:

Շատ ավելի պակաս աջակցություն ունի ՆԱՏՕ-ն Մոլդովայում, որտեղ դաշինքը պատշպանության հետ է ասոցացնում հարցվածների 16%-ը, իսկ 27%-ն այն սպառնալիք է համարում: Հարցման համաձայն՝ պակաս բարյացակամորեն են տրամադրված ՆԱՏՕ-ին Ռուսաստանում և Բելառուսում (այն պաշտպանության հետ է ասոցացվում հարցվածների 3%-ի մոտ), ինչպես նաև Հայաստանում (8%):

Gallup-ի հետազոտությունը հրապարակվել է փետրվարի 11-ին: Յուրաքանչյուր երկրում հեռախոսի միջոցով հարցվել է 2 հազար մարդ: Հարցման հնարավոր սխալը կազմում է 2,7%: