34 մարդ է զոհվել Անկարայում տեղի ունեցած ահաբեկչության արդյունքում

Yahoo, 14.03.2016

Պաշտոնական աղբյուրների հաղորդմամբ՝ Անկարայի կենտրոնական Կիզիլայ հրապարակում ահաբեկիչ-մահապարտի կողմից իրականացված պայթյունի հետևանքով զոհվել է առնվազն 34 մարդ, 125`վիրավորվել է:

Կիզիլայ հրապարակի պայթյունը Թուրքիայի մայրաքաղաքում այս տարի իրականացված արդեն երկրորդ ահաբեկչությունն է փետրվարի 17-ին տեղի ունեցած պայթյունից հետո, որը 29 մարդու կյանք խլեց:

Այն փաստը, որ ահաբեկիչներին հաջողվեց նոր հարված հասցնել վայրում, որտեղ տեղակայված են վարչապետի նստավայրը, խորհրդարանի շենքը և մի շարք դեսպանատներ, հարցականի տակ է դնում Թուրքիայի՝ Իսլամական պետություն կազմակերպության և քրդական ապստամբների կողմից անվտանգության կրկնակի սպառնալիքին դիմակայելու ունակությունը:

Նախորդ տարվա կեսից մի շարք մահաբեր հարձակումներից հետո Թուրքիայի իրավապահ մարմինները բարձր պատրաստվածության են բերվել: Պայթյունների մեծ մասը վերագրում են «Իսլամական պետություն» կազմակերպությանը՝ այդ թվում նաև անցյալ տարի հոկտեմբեր ամսին իրականացված ահաբեկչական գործողությունը, որը խլեց 103 մարդու կյանք:

Կիրակի օրը տեղի ունեցած պայթjունը համընկավ Թուրքիայի համար բավական կարևոր շրջանի հետ. Թուրքիան մտադիր է միգրացիոն ճգնաժամի հաղթահարմանն աջակցելու պատրաստակամության դիմաց, համոզել Եվրամիությանը արագացնել ԵՄ-ին իր անդամակցությունը: