Նաուրուն Աբխազիայի և Հարավային Օսիայի անկախության ճանաչման պատճառով զրկվել է ԱՄՆ ֆինանսավորումից

Նաուրուն՝ Ավստրալիայի հյուսիսում տեղակայված երկիրը, որ ճանաչել է օկուպացված վրացական շրջանների անկախությունը 2009թ-ին, կզրկվի ԱՄՆ ֆինանսավորումից: Այդ մասին տեղեկատվություն է տարածել նորզելանդական

radionz.co.nz պարբերականը:

Դրա պատճառը տարածքային ամբողջականության աջակցության վերաբերյալ օրենքն է, որն ընդունվել է ԱՄՆ-ում: Այդ փաստաթղթի համաձայն՝ ոչ մի երկիր ԱՄՆ-ից ֆինանսական օգնություն չի ստանա, եթե ճանաչի Ռուսաստանի կողմից օկուպացված Աբխազիան և Հարավային Օսիան որպես անկախ պետություններ և դիվանագիտական հարաբերություններ հաստատի նրանց հետ՝ շրջանցելով Վրաստանը:

Նաուրուին ցուցաբերվող օգնությունը կասեցրել են Համաշխարհային բանկը, Զարգացման ասիական բանկը, ՄԱԿ Մանկական հիմնադրամը, Առողջապահության համաշխարհային կազմակերպությունն ու ՄԱԿ հիմնադրամը, որոնց ֆինանսապես աջակցում է ԱՄՆ-ն:

Աբխազիայի և Հարավային Օսիայի անկախությունը Նաուրուից բացի ճանաչել են նաև այլ կղզային պետություններ Տուվալուն և Վանուատուն, սակայն 2014թ-ին ետ են կանչել իրենց ճանաչումը: