Երևանի թիվ 1 տուն-ինտերնատի կորոնավիրուսով վարակվածներն առողջացել են

Հուլիսի 21-ի դրությամբ Հայաստանում կորոնավիրուսով վարակվածների թիվն ավելացել է 273-ով և դարձել 35 254:

Մահացել է ևս 12 մարդ: Մահացածների ընդհանուր թիվը հասավ 662-ի։

Առողջացել է ևս 704 պացիենտ, նրանց ընդհանուր թիվը կազմում է 24 206։

Ընդհանուր առմամբ, կատարվել է 148 180 թեստավորում, անցած օրվա ընթացքում՝ ընդամենը 1 072:

● Կորոնավիրուսը կարող է օդով փոխանցվել։ Սա հայտարարվել է պաշտոնապես և փոխում է համավարակի դեմ պայքարի ողջ համատեքստը

● Տասը հոգուց ավելի չհավաքվել։ Վրաստանի կառավարությունն ուզում է երկարաձգել սահմանափակումներն՝ արտակարգ դրություն չհայտարարելով

Երևանի թիվ 1 տուն-ինտերնատի բնակիչները հաղթահարել են կորոնավիրուսը: Այդ մասին հայտնում են Աշխատանքի և սոցիալական հարցերի նախարարությունից․

«Տուն-ինտերնատում իրականացված կրկնակի թեստավորման վերջին պատասխանները փաստում են՝ բոլոր վարակվածներն առողջացել են: Բարեբախտաբար, այս պայքարում կորուստներ չենք ունեցել»։