Տնտեսական ազատության ցուցիչում Վրաստանն աշխարհում 13-րդ տեղն է զբաղեցրել

Աշխարհում տնտեսական ազատության 2017 Index of Economic Freedom հաշվետվությունում, որը հրապարակել Heritage Foundation հիմնադրամը՝ Վրաստանի դիրքը նախորդ տարվա համեմատ բարելավվել է 10 կետով, և երկիրը զբաղեցրել է 186 երկրների շարքում 13-րդ տեղը:

Հաշվետվության համաձայն՝ երկրները գնահատվում են 4 հիմնական չափանիշներով. օրենքի գերակայություն, կառավարության «չափս», կարգավորումների արդյունավետություն և ազատ շուկաներ:

Վրաստանի դիրքերը բարելավվել են սեփականության իրավունքի, բիզնեսի ազատության և կառավարության ազնվության տեսանկյունից: Սակայն կառավարության ծախսերի և հարկային բեռի տեսանկյունից իրավիճակը վատթարացել է:

Հաշվետվության համաձայն՝ Վրաստանի աշխատաշուկային դինամիկությունն է պակասում, իսկ գործազրկությունը շարունակում է բարձր մնալ՝ 12%:

Վրաստանը վարկանիշում գնահատվել է 76 միավորով, և ներառվել է տնտեսական ազատության առումով «գրեթե ազատ երկրների» շարքում: Նույն խմբում է հայտնվել նաև Հայաստանը՝ 70 միավորով (33-րդ տեղը վարկանիշում): Ադրբեջանը 63 միավորով (68-րդ տեղ) ներառվել է ազատության միջին ցուցանիշով երկրների շարքում, Ռուսաստանը 57 միավորով (114-րդ տեղ)՝ անազատ երկրների շարքում: Իսկ 48 միավոր ունեցող Ուկրաինան հայտնվել է 166-րդ տեղում՝ ճնշողական երկրների շարքում:

Տնտեսական ազատության ցուցիչի առաջատարներն այս տարի դարձել են Հոնկոնգը, Սինգապուրն ու Նոր Զելանդիան: