Տխուր պատմություն տրանսֆորմատորի մասին

Սկզբում 40 ընտանիք էր ապրում Ադրբեջանի հարավում գտնվող Աստարինի շրջանի Սաքաշամ գյուղում: Իսկ 1996թ-ին մարդիկ սկսեցին քիչ-քիչ հեռանալ այստեղից, և այդ ամենը՝ վառված տրանսֆորմատորի պատճառով: Տրանսֆորմատորը (հոսանքափոխարկիչը) սարք է, որն էլեկտրաէներգիան բարձրավոլտ ցանցից բաշխում է տներին: Այդպես, արդեն 10 տարի է՝ Սաքաշամի բնակիչներն առանց լույսի են ապրում:

Հիմա գյուղում 4 ընտանիք է մնացել: Այստեղ դժվար է հասնել ճանապարհների վատ վիճակի պատճառով, իսկ ձմռանը նույն պատճառով կյանքն այստեղ գրեթե կանգ է առնում: Դպրոցներն ու հիվանդանոցները հարևան գյուղերում են, դրանցից ամենամոտը մոտ 4 կիլոմետր հեռավորության վրա է:

Ինչպես պատմում են գյուղացիները, Աստարինի շրջանի գործադիր իշխանությունը, ուր նրանք բազմիցս դիմել են, ի վերջո պատասխանել է իրենց, որ 4 ընտանիքի համար լույս չի քաշելու:

Այնուամենայնիվ, մարդիկ չեն ուզում հեռանալ. նրանք ասում են, որ չեն կարող լքել իրենց տները, որտեղ ծնվել են իրենց պապերը, որպեսզի այլ տեղ ապրեն:

Սաքաշամի ճանապարհը: Այստեղով կարող են անցնել միայն ՈՒԱԶ մակնիշի խորհրդային մեքենաները, քանի որ նրանք գետնից ավելի բարձր են, քան ժամանակակից ջիփերի մեծ մասը:

Հենց այն տրանսֆորմատորը

Էլեկտրաէներգիայի հին խորհրդային հաշվիչ, չի աշխատում 1996թ-ից

Ջահան տատն 80 տարեկան է: Նա ասում է, որ կերոսինե լամպն արդեն 21 տարի է՝ օգտագործում է

Աֆղան Ալիևը ծնվել է Սաքաշամ գյուղում: Տունը ջեռուցելու և սնունդ պատրաստելու համար նա ամեն օր փայտ է կոտրում: Ընտանիքը որոշակի քանակի անասուն ունի, և սնվում է՝ վաճառելով կաթը, պանիրը, կարագը: Դեռևս Աֆղանն է բակում մանդարինի ծառեր տնկել և վաճառում է մանդարինը:

Երեկոյան Աֆղանը միացնում է էլեկտրամեխանիկական գեներատորն օրական 4-5 ժամով, որպեսզի չվատնի ընտանեկան բյուջեն: Այդ ընթացքում կարելի է հեռուստացույց դիտել, երեխաների դասերով հետաքրքրվել: Գեներատորին ժամում 1լ բենզին է անհրաժեշտ: