Վրաստանում այժմ հնարավոր է տեղաշարժվել միայն ոտքով, հարկավոր է դիմակ կրել

Վրաստանում այժմ հնարավոր է տեղաշարժվել միայն ոտքով, հարկավոր է դիմակ կրել

Անվտանգության նոր միջոցառումները Վրաստանում ընդունվեցին՝ կապված կորոնավիրուսի աճող համաճարակի հետ:

● Ապրիլի 17-ից մինչև ապրիլի 21-ը ժամը 12-ից սկսած արգելվում է անձնական մեքենաներ օգտագործել, և հնարավոր է տեղաշարժվել միայն ոտքով:

● Փակ տարածքներում դիմակների կրումը պարտադիր պահանջ է:

● Գերեզմանները ժամանակավորապես փակ են այցելության համար:

Ապրիլի 17-ի առավոտյան դրությամբ Վրաստանում հաստատված է կորոնավիրուսի վարակի 336 դեպք: Նրանցից 74-ը ապաքինվել են, երեք պացիենտ մահացել են:

• Կորոնավիրուսը Կովկասում: Թարմացվում է
• Երբեք Թբիլիսիի մուտքն այսպիսի տեսք չի ունեցել: Ֆոտոռեպորտաժ

Տեղաշարժման սահմանափակումները չեն տարածվում այն մեքենաների համար, որոնք տեղափոխում են ապրանքներ և բեռներ:

Բոլոր այցելուների դիմակներ կրելու համար պատասխանատվությունը կրում է կոնկրետ տարածքի սեփականատերը, օրինակ՝ խանութի կամ դեղատան: Պահանջի խախտման դեպքում սեփականատերը կտուգանվի 15 հազար լարիով (շուրջ 5 հազար դոլար):

 «Եթե մենք խստորեն չհետևենք օրենքին, արտակարգ դրությունը ավելի կխստանա: Մենք ստիպված կլինենք ավելի կոշտ միջոցներ ձեռնարկել»,- ասել է վարչապետի ներկայացուցիչ Իրակլի Չիկովանին: