Վրաստանում կորոնավիրուսով 15 հիվանդ կա։ Մանրամասներ՝ վարակի աղբյուրների և սպառնալիքների մասին

Վրաստանում գրանցվել է կորոնավիրուսով վարակվելու ևս երկու դեպք։

Այսպիսով՝ հիվանդների ընդհանուր թիվը 15 է։ Եվս 141 մարդ կարանտինի մեջ է, 51 մարդ հիվանդանոցում է՝ բժիշկների վերահսկողության տակ։

Ծանր վիճակում է երկու հիվանդ՝ թոքերի երկկողմանի բորբոքմամբ։

Բոլոր 15 հիվանդները Վրաստանի քաղաքացի են։ Նրանցից երկուսը վարակվել են Իրանում, մնացած 13 դեպքերը կապված են Իտալիայի հետ։

Միայն երկու դեպքում է հաջողվել հիվանդությունն արձանագրել սահմանին։ Մնացածներն ինքնուրույն են հիվանդանոց դիմել, երբ ախտանշաններ են հայտնվել։ Նրանցից ոչ ոք ոչ կարանտինի, ոչ էլ ինքնամեկուսացման մեջ չի եղել։

Հիվանդներից ոչ ոք տարեց չէ, այսինքն՝ բարձր ռիսկի խմբին չի պատկանում։ Կորոնավիրուսով հիվանդների մասին ողջ պաշտոնական տվյալներ օպերատիվ կերպով տեղադրվում են stopcov.ge կառավարական կայքում։

• Ինչպե՞ս խուսափել կորոնավիրուսից, և ո՞րն է դրա սպառնալիքը։ Հարցերի պատասխաններ՝ երկու րոպեանոց տեսանյութում 

• Կորոնավիրուս․ այլևս ոչ մի գրկախառնություն, բարևելը՝ միայն արմունկներով և կոշիկներով։ ՏԵՍԱՆՅՈՒԹ

• Վրաստան․ զբոսաշրջիկներ չկան, հյուրանոցները սնանկացման եզրին են