Սահմանափակումների վերացումից հետո կորոնավիրուսով վարակման դեպքերի թիվն աճել է ոչ միայն Հայաստանում

Հունիսի 28-ի դրությամբ Հայաստանում կորոնավիրուսով վարակվածների թիվն ավելացել է 736–ով և դարձել 24 645:

Մահացել է ևս 6 մարդ: Մահացածների ընդհանուր թիվը հասավ 426-ի։

Առողջացել է ևս 205 պացիենտ, նրանց ընդհանուր թիվը կազմում է 13116։ Շարունակում են բուժում ստանալ 10 964 մարդ։

Ընդհանուր առմամբ, կատարվել է 109 173 թեստավորում, անցած օրվա ընթացքում՝ 2 065:

● «Կյանքը եռում է, տպավորություն է, որ ոչինչ էլ չի եղել։ Մարդիկ միգուցե չեն հավատում, որ վիրուսը իրական է»․ կորոնավիրուսից առողջացածների հետ զրույցից

● Կորոնավիրուսն ըննդեմ բիզնեսի։ Տեսանյութ Երևանից

● Ում և ինչ օժանդակություն է տրամադրվում Հայաստանում կորոնավիրուսի տնտեսական հետևանքների հաղթահարման ծրագրերով

Առողջապահության համաշխարհային կազմակերպության եվրոպական տարածաշրջանային գրասենյակի ղեկավար Հանս Կլյուգեն օրերս խոսել է սահմանափակումների վերացումից հետո կորոնավիրուսով վարակման շաբաթական դեպքերի թվի ավելացման մասին։

«11 երկրում, այդ թվում՝ Հայաստանում, Շվեդիայում, Մոլդովայում, Հյուսիսային Մակեդոնիայում եւ Ադրբեջանում, վարակի արագացված փոխանցումը շատ նշանակալի աճի է հանգեցրել», — ասել է նա:

Հանս Կլյուգեի կարծիքով, եթե վարակի տարածումը չկանխվի այս երկրների առողջապահական համակարգերը «կհայտնվեն անդունդի եզրին»։

Միաժամանակ ԱՀԿ-ում կարծում են, որ ամռան վերջին շատ երկրներում իրավիճակը կկայունանա: