Ռուս լրագրող Արկադի Բաբչենկոն սպանվել է Կիևում

Կիևում սպանվել է ռուս լրագրող Արկադի Բաբչենկոն, հաղորդում է Hromadske-ն:

Անհայտ անձը երեք անգամ կրակել է Բաբչենկոյի մեջքին, երբ նա իր բնակարան էր մտնում: Շտապօգնության մեքենայում հիվանդանոց տեղափոխվելու ճանապարհին լրագրողը մահացել է:

Արկադի Բաբչենկոն որպես «Նովայա գազետայի» թղթակից լուսաբանում էր Դոնբասում ընթացող պատերազմը, իսկ մինչ այդ՝ 2008թ-ի Հարավային Օսիայի պատերազմը:

2017թ-ի փետրվարին նա լքել էր Ռուսաստանը: Ըստ Բաբչենկոյի, նրա վրա ճնշում էր գործադրվում ռուսական իշխանությունների կողմից, որի պատճառով նա որոշել էր հեռանալ երկրից: 2017թ-ի օգոստոսից լրագրողն ապրում էր Կիևում: