Մահափորձ Նավալնիի դեմ. կասկածելի զուգադիպություններ

Ռուս քաղաքական գործիչ Ալեքսեյ Նավալնիի վիճակը մնում է ծանր, սակայն նրա կյանքին ուղղակիորեն վտանգ չի սպառնում: Այնուամենայնիվ, պացիենտի թունավորման ծանրության պատճառով դեռ վաղ է գնահատել հնարավոր երկարաժամկետ հետևանքները, ասված է բեռլինյան «Շարիտե» կլինիկայի մամլո հաղորդագրության մեջ, որտեղ ռուս ընդդիմադիրը բուժում է ստանում:

Ռուսական ընդդիմության առաջնորդը իրեն վատ է զգացել, կորցրել է գիտակցությունը ինքնաթիռում օգոստոսի 22-ին: Օմսկում արտակարգ վայրէջքից հետո նա տեղափոխվել է տեղի հիվանդանոց, այդտեղից 2 օր անց՝ բեռլինյան «Շարիտե» հիվանդանոց:

Գերմանացի բժիշկների եզրակացությունները 

Հետազոտությունից մեկ օր անց Բեռլինում բժիշկները հաղորդեցին. Ալեքսեյ Նավալնին թունավորվել է:

Որպես թունավոր նյութ օգտագործվել է օրգանոֆոսֆատ:

Այն օգտագործվում է գյուղատնտեսական պարարտանյութերում, դեղորայքում և ռազմական թունավոր նյութերում:

Բայց պարարտանյութը կամ դեղամիջոցը որպես թույն օգտագործելու համար դրանք հարկավոր է օգտագործել շատ մեծ քանակությամբ: Դա աննկատ անել անհնար է: Ռազմական թունավոր նյութերի դեպքում բավական է մի քանի միլիգրամը:

• Այժմ Պուտինը Ռուսաստանում հավերժ է, իսկ ռուսները՝ դաշնության գլխավոր ժողովուրդը։ Սահմանադրությունը փոփոխված է

Կասկածի տակ են երեք ռազմական նյութեր՝ զարին, VX և «Նովիչոկ»: Վերջինը օգտագործվել է ռուսական գործակալների կողմից ռուս նախկին հետախույզ Սերգեյ Սկրիպալի դեմ Մեծ Բրիտանիայում մահափորձի ժամանակ:

Ռազմական թունավոր նյութերի արտադրությունն ու պահպանումն արգելվում է Քիմիական զենքի արգելքի միջազգային կոնվենցիայով:

Գերմանացի բժիշկների հետագա հետազոտությունները ուղղված կլինեն պարզելու այն կոնկրետ նյութը, որով է թունավորվել Ալեքսեյ Նավալնին:

Ռուս ընդդիմադիր քաղաքական գործիչ Նավալնին վերակենդանացման բաժանմունքում է։ Նրան, հավանաբար, թունավորել են

Ալեքսանդր Նավալնու վիճակը ծանր է։ Բժիշկները դեռ չեն հաստատում թունավորման հանգամանքը

Կասկածելի զուգադիպություններ

Միանգամից երեք եվրոպական թերթեր՝ The Insider, Der Spiegel и Bellingcat, պարզեցին, որ «Շարիտե» կլինիկայի գերմանացի բժիշկները, որոնք զբաղվում են Նավալնիի բուժմամբ, կապվել են բուլղարացի գործընկերների հետ, որոնք բուժել են գործարար Եմելյան Գեբրևին, ում թունավորել էին 2015թ. Բուլղարիայում: 

Գեբրևը զբաղվում էր Ուկրաինա զենքի մատակարարմամբ:

Մասնագետները ենթադրում են, որ Նավալնին ենթարկվել է օրգանոֆոսֆատների ընտանիքի նույն նյութի ազդեցությանը, որով թունավորվել էր Գեբրևը:

«Գերմանական ալիքի» տվյալներով՝ բժիշկները օգնություն են խնդրել Գերմանիայի զինված ուժերից՝ պարզելու այն նյութը, որով թունավորվել է Նավալնին:

Փորձագետի կարծիքը

Գերմանացի քիմիկոս Մարկ-Միխայիլ Բլումը ղեկավարել է Սկրիպալի դեմ մահափորձի հետաքննությունը՝ որպես Քիմիական զենքի արգելքի միջազգային կազմակերպության ներկայացուցիչ: Der Spiegel-ի հետ հարցազրույցի ժամանակ նա ասել է.

—  Հավանականություն կա, որ նյութը, որով թունավորվել է Նավալնին, չգտնվի, բայց այն մեծ չէ:

— Ես հարց կտայի․ ինչո՞ւ են ռուսները ցանկանում, որ իրենց կապեն արգելված նյութերի հետ: Նրանք այդքան հիմա՞ր են: Ցինիկաբար ասելով՝ գոյություն ունեն ավելի արդյունավետ միջոցներ սպանության համար:

— Որոշ օրգանոֆոսֆատներ առաջացնում են գլխուղեղի ցնցումներ: Դա կարող է մեծ խնդիր լինել, բայց հայտնի է, թե ինչ թերապիա պետք է կիրառել:

Ռուսաստանի արձագանքը

Ալեքսեյ Նավալնիի թունավորման փաստով քրեական գործ չի հարուցվել: Իշխանությունները դա բացատրում են նրանով, որ չի պարզվել այն կոնկրետ նյութը, որը օգտագործվել է որպես թույն:

Ռուսաստանի գլխավոր դատախազությունը Գերմանիայից խնդրել է Նավալնիի հետազոտության արդյունքները:

Ռուսաստանը նման կերպ վարվեց նաև Սերգեյ Սկրիպալի դեմ մահափորձից հետո՝ պահանջելով իրեն ներգրավել հետաքննության մեջ:

Աշխարհի արձագանքը

Ալեքսեյ Նավալնիի դեմ մահափորձի բազմակողմանի և բաց հետաքննություն պահանջեցին Գերմանիան, Ֆրանսիան, Մեծ Բրիտանիան, ԱՄՆ-ն, Կանադան և այլ երկրներ:

Նմանատիպ պահանջով հանդես եկավ ՄԱԿ-ը:

Կանցլեր Մերկելի հայտարարությունը պարունակում է հետևյալ արտահայտությունը. «Հաշվի առնելով նմանատիպ կասկածելի դեպքերի երկար պատմությունը…»:

Նմանատիպ կասկածելի դեպքերն են՝

— Սերգեյ Սկրիպալի դեմ մահափորձը՝ «Նովիչոկի» կիրառմամբ

— Լոնդոնում ռուս քաղաքական ներգաղթյալ Ալեքսանդր Լիտվինենկոյի սպանությունը՝ ռադիոակտիվ նյութերի կիրառմամբ (ռուսական հատուկ ծառայությունների աշխատակից Անդրեյ Լուգովոյը, որը Մեծ Բրիտանիայում համարվում է այդ սպանության կազմակերպիչը, այժմ խորհրդարանի պատգամավոր է: Նա ընդգրկվել է հանձնաժողովի կազմի մեջ, որը պետք է ուսումնասիրի Նավալնիի դեմ մահափորձի հանգամանքները):

— Ղրիմի բռնակցումը ղեկավարած երեք ռուս գեներալների հանկարծակի մահը, որոնք կարող էին դառնալ պոտենցիալ վկաներ:

— Համաշխարհային հակադոպինգային գործակալության ռուսական սպորտում դոպինգի գործով գլխավոր իրազեկիչ Ռոդչենկովի երկու տեղակալների հանկարծակի մահը: