Ռուսաստանի վարչապետի մոտ դղյակներ, կեցավայրեր և զբոսանավեր են հայտնաբերել

Ալեքսեյ Նավալնիի Կոռուպցիայի դեմ պայքարի հիմնադրամը Ռուսաստանի վարչապետ Դմիտրի Մեդվեդևի ակտիվների և էլիտար անշարժ գույքի մասին հետաքննություն է հրապարակել, որն, ինչպես նշվում է հրապարակման մեջ, ապօրինի ճանապարհով է ձեռք բերվել:

Դմիտրի Անատոլևիչ Մեդվեդևը բնավ այնքան անվնաս և կատակերգական կերպար չէ, ինչպես ընդունված է համարել, նշված է հրապարակման մեջ: «Նա բավականին խորամանկ և ագահ մարդ է, որն ակնհայտ մի քիչ կեցավայրերի, էլիտար անշարժ գույքի վրաշեղված և դրանք ունենալու համար երկրում կոռուպցիոն խոշորագույն և, պետք է արժանին մատուցել նրան,  հնարամիտ սխեմաներից մեկըկառուցած մեկն է: Մենք գտել ենք, նկարագրել և փաստաթղթերով ապացուցել բարեգործական և ոչ առևտրային հիմնադրամների ցանցիգոյությունը, որը կազմակերպվել է Մեդվեդևի վստահված անձանց և ազգականների կողմից: «Բարեգործական» բառը չպետք էտարակուսանք առաջացնի. «օգնություն» ստացողն այստեղ միայն Մեդվեդևին է և նրա ընտանիքը», — հայտարարել է հիմնադրամը:

Հետաքննությանը նվիրված ֆիլմում հիմնադրամի տնօրեն Ալեքսեյ Նավալնին պատմում է հաքերների միջոցով բացահայտված սխեմայիմասին, որոնք համացանց են գցել Մեդվեդևի անձնական նամակագրությունը: Հետաքննությունը սկսվել է վառ գույնի սպորտայինկոշիկներից և այլ հագուստից, որով Ռուսաստանի վարչապետը սիրում է լուսանկարվել. հնարավոր է եղել պարզել, թե որտեղ և ում անունովեն գնվել այդ իրերը: Եվ դա հանգեցրել է շատ ավելի լուրջ բացահայտումների՝ դղյակների, կեցավայրերի, խաղողի այգիների և զբոսանավերի,որոնք ձևակերպված են տարբեր կառույցների վրա, որոնց ղեկավարները Մեդվեդևի անձնական ընկերներն են:

Այդ տեղեկատվության հիման վրա Նավալնին վարչապետին մեղադրում է «բազմամաշերտ կոռուպցիոն սխեմայի» ստեղծման և կաշառքստանալու համար: Ընդդիմադիր գործիչը հայտարարում է, որ այդ «սխեմայի» սպասարկման մեջ ներառվել են հազարավոր մարդիկ, իսկանշարժ գույքի օբյեկտները պահպանում են պետական հատուկ ծառայությունները

Ի պատասխան հետաքննության հրապարակմանը Ռուսաստանի վարչապետի մամուլի խոսնակ Նատալյա Տիմակովան հայտարարել է, որ «Նավալնիի նյութը վառ արտահայտված նախընտրական բնույթ է կրում, ինչի մասին նա խոսում է տեսանյութի վերջում»: Նրա խոսքով՝ «ընդդիմադիր և դատապարտված անձի պրոպագանդիստական քայլերը մեկնաբանելը, որը հայտարարել է, թե նա արդեն ինչ-որ նախընտրական արշավ է անցկացնում և իշխանության դեմ պայքարում, անիմաստ է»:

Ալեքսեյ Նավալնին՝ ռուսական իշխանության ամենաակտիվ քննադատներից մեկը, հայտարարել է, որ պատրաստվում է իր թեկնածությունն առաջադրել Ռուսաստանում 2018թ-ի նախագահական ընտրություններին: 2013թ-ին նա 5 տարվա պայմանական ազատազրկման է դատապարտվել այսպես կոչված «Կիրովլեսի» գործով: Ինքը Նավալնին և նրա կողմնակիցները այդ գործը քաղաքականապես մոտիվացված են անվանում: