Ռուսաստանի, Թուրքիայի և Իրանի նախագահները կրկին փորձում են լուծել Սիրիայի խնդիրը
Ապրիլի 2-3-ին Անկարայում անցկացվում են եռակողմ բանակցություններ Ռուսաստանի, Թուրքիայի և Իրանի նախագահներ Վլադիմիր Պուտինի, Ռեջեփ Էրդողանի և Հասան Ռոհանիի միջև, հաղորդում է Reuters տեղեկատվական գործակալությունը:
ՌԴ նախագահի օգնական Յուրի Ուշակովը հաղորդել է, որ բանակցությունների արդյունքում երեք երկրների առաջնորդների համատեղ հայտարարությունը կհրապարակվի, որում նրանք կընդգծեն “աջակցությունը Սիրիայի ինքնիշխանությանն, անկախությանն ու տարածքային ամբողջականությանը”:
Ուշակովի խոսքով՝ տվյալ պահին հայտարարության տեքստը մշակվում է փորձագետների կողմից:
Անկարայի գագաթնաժողովին Վլադիմիր Պուտինն ու Հասան Ռոհանին պլանավորում են նաև երկկողմանի բանակցություններ անցկացնել, որոնց ընթացքում նախագահները կքննարկեն Իրանի միջուկային ծրագիրը:
Վերջին անգամ Պուտինն, Էրդողանն ու Ռոհանին երեքով հանդիպել են Սոչիում 2017թ-ի նոյեմբերին:
Այդ հանդիպման արդյունքում Վլադիմիր Պուտինը հայտարարել է, որ գլխավորն, ինչի շուրջ նա պայմանավորվել է Էրդողանի և Ռոհանիի հետ, Սիրիայում խաղաղ կարգավորման կոնգրեսի անցկացումն է: Դրա հիմնական նպատակները պետք է լիներ սիրիական նոր սահմանադրության մշակումն ու դրա հիման վրա ընտրությունների անցկացումը: Սակայն կոնգրեսը դեռևս չի անցկացվել:
2016թ-ի դեկտեմբերի 19-ին Թուրքիայում սպանվել էր Ռուսաստանի դեսպան Անդրեյ Կառլովը: Արտգործնախարարությունն այդ դեպքը գնահատել էր որպես ահաբեկչություն:
2018թ-ի ապրիլի 2-ին կայանալիք բանակցությունների նախօրեին թուրքական դատարանն Էրդողանի գլխավոր քաղաքական ախոյան Ֆեթուլլահ Գյուլենին կալանավորելու թույլտվություն էր տրամադրել: Գյուլենը բնակվում է ԱՄՆ-ում, նա մեղադրվում է Կառլովի սպանության համար: Փորձագետներից շատերը կարծում են, որ այդպիսով Էրդողանը փորձել է միանգամից երկու խնդիր լուծել. առաջին հերթին, Գյուլենի կալանքի օրդերը խորհրդանշական ժեստ էր Պուտինի հետ բանակցությունները սկսելուց առաջ, երկրորդ հերթին, Թուրքիայի նախագահը հերթական անգամ “գրոհեց” իր վաղեմի թշնամի Ֆեթուլլահ Գյուլենին:
