Ռուսաստանի ԱԳ նախարարի երկու օրն Աբխազիայում. ինչ և ում հետ է քննարկվել և որտեղ է նա եղել
Ռուսաստանի արտգործնախարար Սերգեյ Լավրովը երկու հագեցած օր է անցկացրել Աբխազիայում և իր այցն ավարտում է ապրիլի 19-ին:
Պաշտոնական Թբիլիսին բողոք է արտահայտել Ռուսաստանի ԱԳ նախարարի Աբխազիա կատարած այցի առթիվ և այն «սադրանք» անվանել:
Սակայն Աբխազիայի համար Սերգեյ Լավրովի այցն ապրիլի կարևորագույն իրադարձություններից մեկն է դարձել և սուխմուցիների հսկայական ուշադրությունը գրավել:
Չնայած որ այցի ժամանակ ոչ մի նոր փաստաթղթեր կամ համաձայնգրեր չեն ստորագրվել, այնուամենայնիվ մի քանի հայտարարություն է արվել, որոնք այն բանի ամրագրումն են, ինչը Ռուսաստանի համար կարևոր է Աբխազիայի հետ հարաբերություններում:
Աբխազիայում ՌԴ նոր դեսպանատան շենքի բացումը
Պաշտոնապես նրա այցը կապված էր Սուխումում Ռուսաստանի դեսպանատան նոր շենքային համալիրի բացման պաշտոնական արարողության հետ, որն անցկացվել է ապրիլի 18-ին:
«Ցանկանում եմ շնորհավորել մեր դիվանագետների բնակարանամուտը: Եվ թող հավերժ լինի մեր ու աբխազ ժողովրդի բարեկամությունը», — ասել է Լավրովը՝ բացելով միջոցառման պաշտոնական մասը:
Լավրովը նաև ասել է, որ դեսպանատան շենքում, հնարավոր է, ռուս դիվանագետներ Դմիտրի և Օլգա Վիշերնյովների հուշատախտակ հայտնվի, որոնք սպանվել են Սուխումում 2013թ-ին:
Պաշտոնական հանդիպումները
Ռուսաստանի արտգործնախարարը հանդիպել է Աբխազիայի նախագահ Ռաուլ Հաջիմբայի և հանրապետության ԱԳ նախարար Դաուր Կովեի հետ:
Հանդիպման մեծ մասն անցել է փակ դռների ետևում, առանց լրագրողների մասնակցության: Հաջիմբան միայն հաղորդել է լրագրողներին, որ քննրակվելիք հարցեի թվում են.
[yes_list]
- ռուս-աբխազական սահմանի պահպանությունը;
- Աբխազիայի քաղաքացիներին Ռուսաստանի քաղաքացիության տրամադրումը;
- 2015-2017թթ-ին Աբխազիայի սոցիալ-տնտեսական զարգացման աջակցման ներդրումային շրջանակում նախագծերի իրականացումը:
[/yes_list]
Ռուս-աբխազական սահմանի պահպանությունը
«Աբխազիայի Հանրապետության անվտանգությունն ամենահուսալի կերպով ապահովված և երաշխավորված է այն հարաբերություններով, որոնք ամրագրված են ՌԴ և ԱՀ միջպետական պայմանագրով և այն հստակ միջոցներով, որոնք… ձեռնարկվում են դրսից որևէ ագրեսիվ ներթափանցումներ թույլ չտալու ամենօրյա երաշխիքի ապահովման համար», — հայտարարել է Լավրովն Աբխազիայի նախագահ Ռաուլ Հաջիմբայի հետ հանդիպման ավարտին, մեջբերում է «Աբխազիա-ինֆորմ» գործակալությունը:
Աբխազիայի համագործակցությունը միջազգային կազմակերպությունների հետ
Լրագրողների հարցերին պատասխանելիս Լավրովն ասել է, որ Մոսկվան կողջուներ Հավաքական անվտանգության պայմանագրի կազմակերպության հետ Աբխազիայի համագործակցությունը: Սակայն միաժամանակ նշել է, որ ցանկացած կազմակերպությունում լիիրավ անդամի կամ դիտորդի կարգավիճակ ստանալու համար անհրաժեշտ է դրա բոլոր անդամների միջև կոնսենսուս:
Ռուսաստանի քաղաքացիություն Աբխազիայի քաղաքացիների համար
«Ե՞րբ է Աբխազիայի քաղաքացիների համար պարզեցվելու Ռուսաստանի քաղաքացիություն ստանալու ընթացակարգը», — հարց հնչեց մամուլի ասուլիսին:
Սերգեյ Լավրովը պատասխանեց, որ ռուսական կողմն Աբխազիային 2016թ-ին առաջարկել է կրկնակի քաղաքացիության մասին պայմանագիր կնքել և այժմ ակնկալում է դրա օպերատիվ ընդունում: Ինչպես նշեց ՌԴ ԱԳ նախարարը, «դա թույլ կտա շարունակել Ռուսաստանի քաղաքացիության պարզեցված տրամադրման պրակտիկան»:
Աբխազիայի նախագահ Ռաուլ Հաջիմբան ասաց, որ այժմ նախագիծը գտնվում է նախարարների կաբինետում և այնուհետև փոխանցվելու է խորհրդարանի դիտարկմանը:
Ռուսաստանից Աբխազիայի տարածքով դեպի Հայաստան բեռների տարանցումը
«Արդյո՞ք քննարկվել է Ռուսաստանից Աբխազիայի տարածքով դեպի Հայաստան բեռների տարանցման վերսկսման հարցը», — հարց տվին լրագրողները:
«Ռուսական կողմը ոչ մի խնդիր չունի այն բանի հետ, որ տարանցումը վերսկսվի», — պատասխանել է Սերգեյ Լավրովն ու ընդգծել, որ դրա համար «իրավական հիմք կա»:
Սերգեյ Լավրովը նկատի ուներ պայմանավորվածությունները, որոնք ձեռք են բերվել ՌԴ և Համաշխարհային առևտրային կազմակերպության միջև, երբ Ռուսաստանը 2011-ին մտել է այդ կազմակերպություն:
«Մենք գիտենք, որ հայ գործընկերները հետաքրքրված են տարանցման վերականգնմամբ: Աբխազիայի Հանրապետության նախագահն ասաց, որ Աբխազիան դեմ չէ: Այդ պատճառով էլ դա արդեն կախված է ոչ թե մեզնից, այլ ուրիշ երկրներից, ուր նման տարանցումը դուրս է բերում», — ասաց նախարարը:
Նախագահ Ռաուլ Հաջիմբան իր հերթին նշեց, որ տարանցման վերականգնումը «Աբխազիայի բյուջեում լրացուցիչ միջոցներ ունենալու հնարավորություն կդառնա»: Նա նշեց, որ այդ հարցերը պետք է քաղաքակիրթ ձևով լուծել:
«Եթե վրացական կողմը պատրաստ լինի այդ հարցին, ես կասկած չունեմ, որ գործընթացը կարելի է թույլատրել», — ասաց Աբխազիայի նախագահը:
Ուժի չկիրառման մասին պայմանագիր
ԱԳ նախարարը մամուլի ասուլիսին ասաց, որ «լիովին իրական է համարում ուժի չկիրառման մասին իրավաբանորեն պարտավորեցնող փաստաթղթի ստորագրումը՝ …դրա համար օգտագործելով Կովկասում կայունության և անվտանգության վերաբերյալ ժնևյան քննարկումների ձևաչափը»:
Լավրովն առանձին ընդգծել է ժնևյան քննարկումներին մասնակցության շարունակման կարևորությունը:
Զբոսանքն առափնյա հատվածով և «Ռուսդրամա» թատրոնը
Սերգեյ Լավրովը մասնակցել է նաև Փառքի այգում հուշարձանին ծաղիկ դնելու արարողությանը:
Այնուհետև ժամանակ է գտել զբոսնելու Սուխումի առափնյա հատվածում, սուրճ խմելու բուլվարում՝ Բրեխալովկայում:
Ռուսական դրամատիկական թատրոնի տնօրեն Իրակլի Խինտբան Սերգեյ Լավրովին հրավիրել է վերջերս կայացած թատերական պրեմիերաների լուսանկարների ցուցահանդեսը տեսնելու: Դերասանները նախարարի համար մի փոքրիկ հատված են խաղացել «Հինգ երեկո» ներկայացումից և երկու երաժշտական համար կատարել:
Ռուսաստանի ԱԳ նախարարի ներկայիս այցն Աբխազիա թվով չորորդն էր: Այս անգամ հիմքեր կան ենթադրելու, որ դա պարզապես աշխատանքային այց է, որից չարժե ինչ-որ որոշումներ կամ փոփոխություններ սպասել: Աբխազիա վաղուց չեն այցելել բարձրաստիճան պաշտոնատար անձինք Ռուսաստանից, հնարավոր է, որ այդ պատճառով էր Լավրովի այցն այդպիսի իրարանցում առաջացրել:
- Ռուսաստանի և Աբխազիայի միջև դաշնակցության մասին պայմանագիրն ուժի մեջ է մտել 2015թ-ի մարտի 5-ին:
