Ռուսաստանը, հնարավոր է, դադարեցնի դեպի Թուրքիա չարտերային չվերթները

JAMnews, «Դոժդի» և «Ինտերֆաքսի» նյութերի հիման վրա

Ռուսական ավիաընկերությունները նախազգուշացում են ստացել այն մասին, որ իրենք, հնարավոր է, ստիպված լինեն դադարեցնել դեպի Թուրքիա չարտերայի չվերթները: Նախազգուշացումը պարունակվում է «Ռոսավիացիայի» պետական համակարգող հանձնաժողովի նամակում, հաղորդում է «Ինտերֆաքս» գործակալությունը:

Այդպիսի հնարավոր որոշման պատճառը նամակում չի հստակեցվում: Ռուսական «Դոժդ» հեռուստաընկերությունը վկայակոչում է իր աղբյուրը, որն ասում է, որ զգուշացումը կապված է «քաղաքական իրավիճակի սրեցման հետ»:

ՌԴ տրանսպորտի նախարարության պաշտոնյան հաստատել է, որ «խոսքը գնում է հնարավոր արգելքի մասին, որպեսզի արգելքը մտցնելու պահին ընկերությունները պատրաստ լինեն»:

Տարբեր լրատվամիջոցների ենթադրությունների համաձայն՝ այդ որոշումը կարող է ուղղակի կապ ունենա այն բանի հետ, որ Թուրքիայի արտգործնախարար Մևլութ Չավուշօղլուն ապրիլի 8-ին կոչ է արել Ռուսաստանին հրաժարվել Սիրիայի նախագահ Բաշար Ասադին աջակցելուց և ասել է, որ Ռուսաստանը բավականաչափ ջանքեր չի գործադրում, որպեսզի Սիրիայի կառավարությունն ու բանակը հաշտություն պահպանեն:

2015թ-ի վերջին Ռուսաստանի և Թուրքիայի միջև ավիահաղորդակցությունն արդեն մեկ անգամ դադարեցվել է: Դա տեղի է ունեցել այն բանից հետո, երբ թուրքական կործանիչը խոցել է ռուսական Սու-24 ռմբարկուն Սիրիայի սահմանին: Ավելի ուշ Թուրքիայի նախագահ Ռեջեփ Թայիփ Էրդողանը ներողություն է խնդրել Ռուսաստանի նախագահ Վլադիմիր Պուտինից: Ավիահաղորդակցությունը վերականգնվել է: