Ռուսաստանը զրկվում է 2014–ի Օլիմպիադայի հաղթանակից դոպինգային որակազրկումների պատճառով

Երկամարտի օլիմպիական չեմպիոն Եվգենի Ուստյուգովը որակազրկվել է հակադոպինգային կանոնների խախտումների պատճառով, հաղորդում է Բի-Բի-Սի-ին։

Մարզիկի հասցեին մեղադրանքները վերաբերում են 2010 թ–ի հունվարից մինչև 2014 թ–ի փետրվար ընկած ժամանակահատվածին։ Ռուսական հակադոպինգային գործակալության (ՌՈՒՍԱԴԱ) տվյալներով՝ Ուստյուգովը մեղադրվում է օքսանդրոլոն արգելված անաբոլիկի օգտագործման համար։

Ուստյուգովի և օլիմպիական չեմպիոն Սվետլանա Սլեպցովայի երկամյա որակազրկման մասին որոշումը շաբաթ օրը հաստատել է Երկամարտիկների միջազգային միությունը։

Այժմ մարզիկը 21 օր ունի որոշումը Շվեյցարիայի սպորտային արբիտրաժում բողոքարկելու համար։

Եվգենի Ուստյուգովից բացի Սոչիի Օլիմպիադայի ոսկե մեդալակիրներ են դարձել ևս երեք մարզիկներ։ Ուստյուգովին մեդալից զրկելու դեպքում նրանք նույնպես, ենթադրաբար, կզրկվեն իրենց պարգևներից։

Եթե Ուստյուգովը չկարողանա վիճարկել որակազրկումը, Ռուսաստանը կկորցնի Սոչիի խաղերի թիմային արդյունքով առաջին տեղը։ Այդ պարագայում առաջին տեղը մեդալների քանակով կզբաղեցնի Նորվեգիայի հավաքականը։

Այժմ Ուստյուգովն արդեն էլ չի մրցում․ կարիերայի ավարտից հետո նա դարձել է Ռուսաստանի Պետդումայի պատգամավոր: