Ռուսամետ դաշտային հրամանատար «Գիվին» զոհվել է Դոնեցկում պայթյունի արդյունքում

Ինքնահռչակ Դոնեցկի Ժողովրդական Հանրապետության դաշտային հրամանատար, «Սոմալի» գումարտակի հրամանատար Միխայիլ Տոլստիխը, որը հայտնի է Գիվի մականվամբ, զոհվել է Դոնեցկում փետրվարի 8-ի վաղ առավոտյան:

«Գիվիի» մահը հաստատել են ԴԺՀ իշխանությունների ներկայացուցիչները: Ռուսական գործակալությունների տվյալներով՝ դաշտային հրամանատարը զոհվել է ահաբեկչության հետևանքով՝ պայթել է սեփական կաբինետում:

Ինքնահռչակ հանրապետության իշխանությունները ահաբեկության համար մեղադրում են ուկրաինական հատուկ ծառայություններին:

ԴԺՀ մեկ այլ հայտնի դաշտային հրամանատար Արսեն Պավլովը, որը հայտնի է Մոտորոլա մականվամբ, սպանվել է նախորդ տարվա հոկտեմբերին Դոնեցկում՝ պայթել է սեփական տան վերելակում:

«Մոտորոլան» և «Գիվին» ակտիվ մասնակցություն ունեին Ուկրաինայի արևելքում ուկրաինական կառավարական զորքերի դեմ 2014թ-ից ընթացող մարտերին: