Ադրբեջանը «Հաղթանակի օրվա» շքերթ է անցկացրել Ստեփանակերտում
Ռազմական շքերթ Ստեփանակերտում
Նոյեմբերի 8-ին Ստեփանակերտում տեղի է ունեցել ռազմական շքերթ՝ նվիրված Ղարաբաղյան երկրորդ պատերազմի ավարտի երրորդ տարվան։ Ադրբեջանն այն Հաղթանակի օր է հռչակել։
Շքերթն ընդունել է Ադրբեջանի նախագահ, երկրի զինված ուժերի գերագույն գլխավոր հրամանատար Իլհամ Ալիևը։ Ռազմական շքերթը ղեկավարել է պաշտպանության նախարարի առաջին տեղակալ, ադրբեջանական բանակի գլխավոր շտաբի պետ, գեներալ-գնդապետ Քերիմ Վելիևը։
Ներգրավված են եղել 2023 թվականի սեպտեմբերի 19-ին Ադրբեջանի իրականացրած ռազմական գործողությանն ու ղարաբաղյան երկրորդ պատերազմին մասնակցած զինծառայողներ:
2020 թվականի 44-օրյա պատերազմն ավարտվեց 2020 թվականի նոյեմբերի 9-ին՝ Ադրբեջանի, Հայաստանի և Ռուսաստանի ղեկավարների կողմից եռակողմ հայտարարության ստորագրմամբ։ Այս պատերազմի արդյունքում Ադրբեջանի վերահսկողության տակ անցան ԼՂ-ին հարակից 7 շրջանները, ինչպես նաև ԼՂՀ-ի մի մասը, այդ թվում՝ Շուշի քաղաքը։ Շուշիի գրավման օրը՝ նոյեմբերի 8-ը, Բաքուն հայտարարեց Հաղթանակի օր։
Առաջին շքերթը կազմակերպվել էր 2020 թվականի դեկտեմբերին Բաքվում։
2023 թվականի սեպտեմբերի 19-20-ը պաշտոնական Բաքուն հայտարարեց «հակաահաբեկչական գործողության» անցկացման մասին Ղարաբաղի այն «տարածքում, որտեղ ժամանակավորապես տեղակայված էին Ռուսաստանի խաղաղապահ ուժերը»։ Գործողության արդյունքում Լեռնային Ղարաբաղի ողջ տարածքն անցավ Ադրբեջանի վերահսկողության տակ։ Հայ բնակչությունը լքեց Ղարաբաղը։
- Ձերբակալված Մադաթ Բաբայանը ցույց է տվել Խոջալուի ջարդերի զոհերի զանգվածային գերեզմանները
- «ՀՀ քաղաքացի՞, թե՞ փախստական»․ ԼՂ-ի հայերը՝ երկընտրանքի առաջ
- Վերջին պատերազմը Լեռնային Ղարաբաղում։ Մի ընտանիքի պատմություն
Հետևեք մեզ — Facebook | Youtube | Telegram
Ռազմական շքերթ Ստեփանակերտում
