Յարոմիր Շտետինա. Այցելել եմ Արցախ, որովհետև դեմ եմ բռնապետությանը

Փետրվարի 20-ին անցկացված սահմանադրական հանրաքվեն մոնիթորինգ անելու համար  պատգամավորների այցը Ղարաբաղ միջազգային հետախուզման պատճառ է հանդիսացել:

Բացի Էնգելից և Շտետինայից, Ադրբեջանի գլխավոր դատախազությունը միջազգային հետախուզում է հայտարարել նաև Եվրախորհրդարանի պատգամավոր Էլենի Թեոխարուսի (Կիպրոս) հանդեպ:

Հայկական Tert.am-ը մեջբերում է պատգամավոր Էնգելի խոսքերը. «Ամեն դեպքում, ես պատրաստվում եմ ավելի շատ ժամանակ անցկացնել ազատ Արցախում: Բանանային հանրապետության ավազակապետ ընտանիքը փորձում է ինձ սպառնալ… Ես կշարունակեմ կանգնել Արցախի կողքին անձրևի և արևի տակ: Եվ, իհարկե, ես վերադառնալու եմ այնտեղ»:

Իսկ Եվրախորհրդարանի չեխ պատգամավոր Յարոմիր Շտետինան չեխական Aktuálně.cz-ի հետ զրույցում ընդգծել է, որ այցելել է Արցախի Հանրապետություն, քանի որ դեմ է բռնապետությանը:

ՀՀ փոխարտգործնախարար Շավարշ Քոչարյանը, մեկնաբանելով այս իրավիճակը, հայտարարել է. «Արդեն վաղուց Ադրբեջանի իշխանություններն ամեն ինչ զավեշտի են վերածում՝ թե՛ միջազգային իրավունքը, թե՛ նույնիսկ իրենց ներքին կյանքը: Դա ուղղակի զավեշտ է և որևէ կերպ չի կարող ազդել դեպի Արցախ այցելությունների վրա»:

Հոդվածում արտահայտած մտքերն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության դիրքորոշման հետ: