Մոլդովայի խորհրդարանի նախկին պատգամավորին դատապարտել են Ռուսաստանի օգտին լրտեսության համար

Ziarul de Garda—ի նյութերի հիման վրա

Մոլդովայի դեմոկրատական կուսակցության նախկին պատգամավոր Յուրի Բոլբոչանուն 14 տարվա ազատազրկման է դատապարտվել հայրենիքի դավաճանության համար:

Դատավճիռը հրապարակվել է մարտի 13-ին՝ նախկին պատգամավորի նախնական կալանքի ժամկետը լրանալուց 4 օր առաջ: Եթե դատարանն ուշանար, նրան պետք է ազատ արձակեին:

Բոլբոչանուին կալանավորել են անցյալ տարվա մարտին: Այն ժամանակ նա ոչ խորհրդարանական էր, որ էլ Դեմկուսի անդամ: Քննության ձևակերպմամբ՝ նախկին պատգամավորին ձերբակալել են հենց այն պահին, երբ նա «ազգային նշանակության» տեղեկատվություն էր տրամադրում Մոլդովայում Ռուսաստանի դեսպանատան ռազմական կցորդի տեղակալ Ալեքսանդր Գրուդինին: Այդ տեղեկատվությունը կարող էր օգտագործվել «ի վնաս Մոլդովայի Հանրապետության ինքնիշխանության և անվտանգության», — հայտարարել են դատախազները: Հետագայում պարզվել է, որ Բոլբոչանուն պարբերաբար հանդիպել է Ռուսաստանի ռազմական կցորդի հետ և նրանից պարգևատրում ստացել:

Քննության ընթացքում Բոլբոչանուի բնակարանի խուզարկության ժամանակ 23 հազար դոլար, էլեկտրոնային տվայլների պահպանման սարքեր, նոութբուք, որոշ խորհրդարանական փաստաթղթեր և բջջային հեռախոսներ են հայտնաբերվել, որոնցից մեկն արտասահմանյան գործակալի հետ գաղտնի բանակցությունների համար էր նախատեսված:

Որտեղի՞ց Բոլբոչանուն կարող էր ռուսական հետախուզության համար օգտակար տեղեկատվություն ստանալ, եթե 2014թ-ի նոյեմբերից նա պետական պաշտոններ չի զբաղեցրել: Այս մասին մոլդովական Ziarul de Garda թերթը հարցրել է այդ գործը վարող Անատոլի Պիտելին: Դատախազը պատասխանել է, որ նախկին պատգամավորը պաշտոնյաների և բարձրաստիճան անձանց շրջանում «շատ կապեր և ընկերներ» է ունեցել: Նախկին պատգամավորի կապերը քննությունը ստուգել է 6 ամիս, հավելել է նա:

2017թ-ի մարտի 19-ին Յուրի Բոլբոչանուին պետական դավաճանության և լրտեսության համար մեղադրանք առաջադրվեց, որի համար 12-20 տարվա ազատազրկում է նախատեսված, իսկ դատարանը նրա նախնական կալանքի մասին որոշում կայացրեց:

Ռուս պատգամավոր Ալեքսանդր Գրուդինը խուսափեց այդ գործով պատասխանատվությունից շնորհիվ պատգամավորական անձեռնմխելիությանը: Սակայն ավելի ուշ նա և ևս 4 ռուս դիվանագետ վտարվեցին երկրից, նրանց նաև պերսոնա նոն գրատա հայտարարեցին: