Մեծ Բրիտանիայի պաշտպանության նախարարը հրաժարական է տվել

Նոյեմբերի 1-ին Մեծ Բրիտանիայի պաշտպանության նախարարը հրաժարական է տվել: Նրա հրապարակած հայտարարությունում ասվում է. «Վերջերս հնչած բազմաթիվ մեղադրանքներից շատերը, ճիշտ չեն, բայց ես խոստովանում եմ, որ չեմ համապատասխանել վարքի բարձր չափանիշներին, որոնք պետք է պահպանեն Մեծ Բրիտանիայի զինված ուժերին մասնակից բոլոր անձինք»:

Ֆելոնն ընդգծել է նաև. «Վարքի նորմերը փոխվում են: Այն, ինչ ընդունելի էր 10-15 տարի առաջ, կտրականապես անընդունելի է այժմ, այդ պատճառով էլ հրաժարական տալու իմ որոշումը ճիշտ է»:

Անհասկանալի է, թե հստակ որ միջադեպի պատճառով է նախարարը հրաժարական տվել: Մի քանի օր առաջ հայտնի է դարձել, որ 2002թ-ին Ֆելոնը ձեռքը դրել է լրագրող Ջուլիա Հարթլի-Բրյուերի ծնկին լրագրողների հետ համատեղ ընթրիքի ժամանակ:

Հարթլի-Բրյուերը Բի-Բի-Սի ռադիոյի եթերում ասել է. «Եթե Ֆելոնի հրաժարականի պատճառն այն է դարձել, որ նա ձեռք է տվել իմ ծնկին 15 տարի առաջ, ապա դա պատմության մեջ ամենաաբսուրդային հրաժարականն է: Հույս ունեմ, որ նրա որոշումը կապված չէ այդ միջադեպի հետ»: Նա ընդգծել է, որ իրեն ոտնձգության զոհ չի համարում:

Մեծ Բրիտանիայի վարչապետ Թերեզա Մեյը հայտարարել է, որ գնահատում է ազնիվ վարքի այն օրինակը, որը ծառայել է Մայքլ Ֆելոնը՝ լքելով իր պաշտոնը:

Վերջին ամսվա ընթացքում սա արդեն նմանատիպ 4-րդ ռեզոնանսային պատմությունն է: Ավելի վաղ հայտնի կինոպրոդյուսեր Հարվի Վայնշթեյնին, դերասաններ Քեվին Սփեյսիին և Դասթին Հոֆմանին մեղադրվել են սեռական ոտնձգությունների համար: Վայնշթեյնն արդյունքում զրկվել է սեփական ընկերությունում իր պաշտոնից, իսկ Սփեյսին՝ «Էմի» հեղինակավոր պարգև ստանալու հնարավորությունից: