Մագերրամ Զեյնալով, Բաքու

Տնտեսական միջոց. սպիտակ՝ սևի փոխարեն

Գյուղատնտեսության նախարարությունը հայտարարել է նոր ամերիկյան կոմբայններ գնելու մասին, և այժմ երկիրը պատրաստ է նավթահումքային երկրից վերածվելու բամբակահումքայինի:

Բամբակ հավաքելու ուղարկեցին պետբյուջեի աշխատակիցներին և ուսանողներին, ինչպես հին ու բարի խորհրդային տարիներին:

Տնտեսական միջոց

SOCAR-ի տնօրեն Ռովնագ Աբդուլաևն առաջարկեց կենցաղային գազի խնդիրը տնտեսելով լուծել. «Սովորաբար ցրտերին մարդիկ տները գազով են տաքացնում, սակայն երբ եղանակը տաքանում է, գազն իջեցնելու փոխարեն, պատուհաններն են բացում»:

Այլընտրանքային-էթնիկ միջոց

Աղքատ բյուջետային աշխատողների համար մի փոքր գումար գտնելու միջոց էլ գտնվեց:

Պատգամավոր Հադի Ռաջաբլին հետևյալն է ասել «Եթե ուսուցիչը 150-200 մանաթ է ստանում և չի կարող իրեն կերակրել, պետք է աշխատանքից հետո էլի ինչ-որ բան անի: Լենքորանի Վերավուլ գյուղում Բալաբեկ անունով ուսուցիչ կա: Նա օրվա առաջին կեսը դաս է տալիս, իսկ դրանից հետո որմնադիր է աշխատում»:

Էսթետիկ միջոց

Լուծվեց մանաթի անկման խնդիրը: Եվ կրկին պատգամավոր Սիավուշ Նովրուզովի կողմից:
Նախարարի առաջարկը. «Ռուսաստանում բոլոր ցարերի պատկերներով թղթադրամներ են տպել: Ես այն բանի կողմնակիցը չեմ, որ ինչ-որ մեկը Հեյդար Ալիևի ստորագրությունը մեքենային կպցնի: Սակայն ազգային թղթադրամի վրա նրա դիմանկարը պետք է լինի»:

Դե, էլ ո՞ւմը: Դրանից առաջ Նովրուզովն առաջարկում էր համացանցում զրպարտության և սադրանքների խնդրի ևս մեկ անթերի միջոց. օտատերերը պետք է յուրաքանչյուր մեկնաբանություն գրելուց առաջ անձը հաստատող տվյալներ գրի:

Սիավուշ Նովրուզով՝ պատգամավոր, ֆինանսիստ, այ-թի մասնագետ և պարզապես լավ մարդ:

Այսպիսով, միջոցները ձեռնարկվել են: Կարող ենք հանգիստ քնել:

Հրապարակվել է 27.10.2016