Բախումներ Ադրբեջանի և Հայաստանի միջև շփման գծում

Ադրբեջանի և Հայաստանի միջև շփման գծում բախումներ են տեղի ունեցել: Կողմերը պնդում են, որ սրացումը սկսվել է փետրվարի լույս 25-ի գիշերը և մեղադրում են միմյանց սադրանքների մեջ:

Կատարվածի վարկածները

Ադրբեջանի պաշտապնության նախարություն.

«Փետրվարի լույս 25-ի գիշերը լայնամասշտաբ սադրանք իրականացնելու նպատակով Հայաստանի զինված ուժերը ճակատային գծի ողջ երկայնքով փորձ են ձեռնարկել տարբեր ուղղություններով ներխուժել Ադրբեջանի զինված ուժերի դիրքեր… Առավել դաժան մարտեր են ընթացել հարավ-արևելյան ուղղությամբ՝ Խոջավենդ (Մարտունի)-Ֆիզուլի շրջաններում»:

Հայաստանի պաշտպանության նախարարության մամուլի քարտուղար Արծրուն Հովհաննիսյան.

«Փետրվարի 25-ին՝ ժամը 03:00-ի և 04:00-ի սահմաններում, շփման գծի միանգամից երկու` հարավարևելյան (Մարտունի) և արևելյան (Ակնա) ուղղություններով հակառակորդը, օգտագործելով ականազերծման համապատասխան տեխնիկա և հատուկ միջոցներ, ձեռնարկել է հարձակման փորձ»:

«Ադրբեջանական զինված ուժերը կրակ են բացել նաև Հայաստանի՝ Տավուշի մարզի Բաղանիս գյուղի ուղղությամբ»:

Կորուստներ

Ադրբեջանի պաշտպանության նախարարություն.

«Ադրբեջանական բանակի ստորաբաժանումներին հաջողվել է տարածքի խորքը ներթափանցելու և ռազմավարական դիրքեր գրավելու հակառակորդի փորձերը կասեցնել»:

Մարտական գործողությունների ընթացքում ադրբեջանական կողմը զոհեր է կրել, սակայն սպանվածների և վիրավորների թիվը դեռևս չի հրապարակվում:

Հայաստանի պաշտպանության նախարարության մամուլի քարտուղար Արծրուն Հովհաննիսյան.

«ԼՂ Պաշտպանության բանակը հակառակորդին, կորուստներ պատճառելով, հետ է շպրտել ելման դիրքեր:  Հայկական կողմը զոհեր ու վիրավորներ չունի, փոխհրաձությունը երկար չի տևել»:

Հոդվածում արտահայտած մտքերն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության դիրքորոշման հետ