Հրատարակման է նախապատրաստվում «Հարավային Օսիայի կարմիր գիրքը»
Կիսվել
Կիսվել
Հարավային Օսիայի առաջին «Կարմիր գիրքը», որում կներառվեն հանրապետության կենդանական և բուսական աշխարհի հազվագյուտ և անհետացող տեսակները, կհրատարակվի այս տարվա ապրիլին: Այդ մասին հայտարարել է Հարավային Օսիայի Երկրաբանության, բնապահպանության և բնօգտագործման կոմիտեի նախագահ Ալան Խարեբովը:
Նրա խոսքով, նման բացառիկ հրատարակություն Հարավային Օսիայում դեռ չի եղել: Գիրքը կազմելու հարցում Հարավային Օսիայի գիտնականներին օգնություն են ցուցաբերել Հյուսիսային Օսիայի գործընկերներն, ինչպես նաև Սոչիի ազգային պարկի գիտաշխատողները:
Նյութի հավաքագրման աշխատանքները սկսվել են դեռևս 2011թ-ին: 2013թ-ի հունիսին ՀՕ կառավարությունը հատուկ որոշում է կայացրել Հարավային Օսիայի «Կարմիր գրքի» հրատարակման անհրաժեշտության մասին:
Գրքի հրատարակման նախապատրաստման և հրատարակման ֆինանսավորումն իրականցնում է հանրապետության կառավարությունը:
Հարավային Օսիայի «Կարմիր գիրքը» վերահրատարակվելու է յուրաքանչյուր 10 տարին մեկ:
Հոդվածում արտահայտած կարծիքները փոխանցում են հեղինակի տերմինաբանությունն ու հայացքները և պարտադիր չէ, որ խմբագրության դիրքորոշումն արտացոլեն: