Պատմություն այն մասին, թե ինչպես էր ողջ Հյուսիսային Օսիան փրկում մի փոքրիկ աղջկա
Մեկ ու կես տարեկան Արնելա Պերսաևայի պատմությունն այսօրվա դրությամբ դարձել է Հյուսիսային Օսիայի խորհրդանիշ։
Մի քանի ամսում համատեղ ջանքերով նրա համար հավաքվել է 2 միլիոն 100 հազար դոլար։ Այդքան արժե մեկ ներարկումը, որը պետք է աղջկան բուժի հազվադեպ գենետիկական հիվանդությունից՝ մեջքի մկանային ատրոֆիայից։
Փողը հավաքել են բառացիորեն բոլորը։ Ոմանք փոխանցել են երկու դոլար, ոմանք՝ 300։ Հազարավոր դոլարներ փոխանցել են աստղերն ու ֆուտբոլիստներն, այդ թվում՝ մոսկովյան։
Եվ ահա մայիսի 24–ին՝ Արնելա Պերսաևայի բարեգործական հաշվեհամարը փակվեց․ հարկ եղած գումարը հավաքվեց։ Վերջին պակասող գումարը՝ 54 մլն ռուբլին (գրեթե 800 հազար դոլար) փոխանցել են «Ալանիա» ֆուտբոլային ակումբի նախագահ Վլադիմիր Գուրիևն ու նրա բիզնես–գործընկեր Թամերլան Ձգոևը։
Դա շատ ժամանակին տեղի ունեցավ․ փրկող ներարկումը երեխան պետք է ստանա մինչև երկու տարեկանը։
Դեղորայքը, որը կարող է փրկել Արնելային, կոչվում է «Զոլգենսմա» (Zolgensma), սակայն այն գրանցված չէ Ռուսաստանում և արտադրվում է ԱՄՆ-ում։
Այս մի քանի ամսում Արնելային օգնելը յուրօրինակ ազգային գաղափար էր դարձել։ Աշխատավարձերի մի մասն էին փոխանցում գեղեցկության սրահների, խանութների, սրճարանների աշխատակիցները։ Ակցիային էին միացել պաշտոնյաներն ու քաղաքական գործիչները։
Հյուսիսային Օսիայից հայտնի ռեփերներ MiyaGi–ն և Andy Panda–ն հայտարարել էին, որ Պերսաևների ընտանիքին կփոխանցեն իրենց նոր եվրոպական հյուրախաղերի ողջ հասույթը։
«Դեռևս 2019 թ–ին հայտարարված հյուրախաղերը եվրոպական քաղաքներում այժմ պաշտոնապես կրում են Արնելայի անունը՝ Miyagi & Andy Panda Arnella՛s Tour», – ասված է երաժիշտների հաղորդագրությունում Ինստագրամի նրանց պաշտոնական էջում։
- Ինչպե՞ս են երեխաները հաղթահարում աուտիզմը
- Բուլինգը Վրաստանի դպրոցներում․ երբ չի կարելի ուրիշներին նման չլինել
Երբ երաժիշտների հյուրախաղերը չեղարկվեցին կորոնավիրուսի համավարակի պատճառով, ռեփերներն ի աջակցություն Արնելայի մարտահրավեր գործարկեցին։ Նրանք հաղորդեցին, որ YAMAKASY ալբոմը հասանելի է լինելու բոլորի համար, և հնարավոր է լինելու այն անվճար լսել․ եթե իրենք կարողանան հավաքել 50 մլն ռուբլի [մոտ $640 հազար]։
Եվրոպայում գերմանացի բլոգեր Տերոն Արնելայի բուժման համար փոխանցել էր իր խանութի վաճառքների 25%–ը։ Այսպես էր նա արձագանքել օս ռեփերների «Utopia» երգին, որը երաժիշտները նվիրել էին աղջկան։
Այս պատմության մեջ բազմաթիվ այդպիսի մասնակիցներ կան։ Հայտնի ռուս ֆուտբոլիստ Ալեքսանդր Կոկորինը կոչ էր արել ռուսաստանյան պրեմիեր–լիգայի ֆուտբոլիստներին ֆինանսական օգնություն ցուցաբերել աղջնակի բուժան համար։ Նմանատիպ կոչեր էին հրապարակել ֆուտբոլի համաշխարհային աստղեր Ռոբերտո Կառլոսն ու Սամուել Էտոն։
Ողջ աշխարհի ֆուտբոլիստներն ընդհանրապես ընդհանուր մասշատաբային վիճակախաղ էին գործարկել։ Ակցիայի շրջանակում խաղարկվում էին ֆուտբոլային աստղերի վերնաշապիկները՝ մարզիկների ստորագրությամբ։
Խոշոր գումարներ են փոխանցել անանուն բարեգործներ։
«Շնորհակալություն ձեր հավատի, աղոթքների, աջակցության համար։ Արնելան պարելու է։ Թող բարությունը վերադառնա», – գրված է Ինստագրամում, որտեղ ներկայացվում էր փողերի հավաքագրման գործընթացը։
Արնելա Պերսաևայի մայրը հաղորդել է, որ աղջնակին հոսպիտալացնելու են Մոսկվայի Մանկաբուժության ինստիտուտում։ Ընտանիքն այժմ զբաղվում է ամերիկյան ընկերության հետ պայմանագրի կնքմամբ, որը պարտավորվում է տրամադրել Zolgensma դեղամիջոցն ու այն Ռուսաստան հասցնել։
Այս երջանիկ պատմությունը ողբերգական հատված էլ ունի։ Արնելայի կրտսեր եղբոր՝ Ալիխանի մոտ նույն հիվանդությունն է ախտորոշվել՝ մեջքի մկանային ատրոֆիա։
