Հենրիխ Մխիթարյանը Հայաստանում այցելել է Արյունաբանական կենտրոնում բուժվող երեխաներին
Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը այցելել է Արյունաբանական կենտրոն և հանդիպել մանկական բաժանմունքում բուժվող երեխաների հետ, զրուցել և լուսանկարվել նրանց հետ, իր ստորագրությամբ ֆուտբոլային գնդակներ, մարզաշապիկներ և նկարներ բաժանել:
Երեխաներն էլ իրենց ձեռքերով պաստառ էին պատրաստել սիրելի ֆուտբոլիստի համար և երգ՝ նրա պատվին:
Մխիթարյանը խոսքով, նա կուզեր իր այցով փոքրիկ ներդրում ունենալ երեխաների հոգեբանական վիճակի բարելավման և ապաքինման հարցում, տրամադրել նրանց երբեք ոչնչից չընկճվել, լավատես լինել և պայքարել իրենց նպատակների համար:
