Հաջորդ շաբաթ կկայանա Ադրբեջանի, Հայաստանի և Ռուսաստանի արտգործնախարարների հանդիպումը

Ապրիլի 27-ին Մոսկվայում պլանավորվում է Ադրբեջանի, Հայաստանի և Ռուսաստանի արտգործնախարարների եռակողմ հանդիպումը:

Էլմար Մամեդյարովն ու Էդվարդ Նալբանդյանը միաժամանակ Մոսկվա կայցելեն հաջորդ շաբաթ: Նրանք Ռուսաստանի արտգործնախարար Սերգեյ Լավրովի հետ միասին կքննարկեն Լեռնային Ղարաբաղի հայ-ադրբեջանական կոնֆլիկտի խաղաղ լուծման շուրջ բանակցությունների ընթացիկ վիճակը:

Ռուսաստանի ԱԳՆ պաշտոնական ներկայացուցիչ Մարիա Զախարովան հաստատել է Մոսկվայում եռակողմ հանդիպման հնարավորությունը:

«Ղարաբաղյան հակամարտության կարգավորման գործընթացի շրջանակում մոտ ապագայում Մոսկվայում Ռուսաստանի, Ադրբեջանի և Հայաստանի արտգործնախարարների հանդիպում կարող է կայանալ», — ասել է Զախարովան, հաղորդում է ԱՊԱ տեղեկատվական գործակալությունը:

• Ադրբեջանի և Հայաստանի արտգործնախարարների վերջին հանդիպումը կայացել է 2016թ-ի դեկտեմբերի 9-ին Համբուրգում: 
• Ղարաբաղյան խաղաղ կարգավորման շուրջ բանակցությունները ԵԱՀԿ Մինսկի խմբի հովանու ներքո շարունակվում են արդեն 25 տարի և դեռևս ոչ մի արդյունքի չեն բերել: 
• Վերջին ժամանակներս Մինսկի խմբի համանախագահներ Ռուսաստանը, ԱՄՆ-ն և Ֆրանսիան համաձայնել են, որ միջնորդի առաջատար դերը ստանձնելու է Ռուսաստանի Դաշնությունը: