Հայ օլիգարխը խոստացել է չկաշառել ընտրողներին Երևանի քաղաքապետի ընտրությունների ժամանակ

«Բարգավաճ Հայաստան» կուսակցության առաջնորդ և Հայաստանի ամենահարուստ մարդկանցից մեկը՝ Գագիկ Ծառուկյանը, չի պատրաստվում կաշառել ընտրողներին Երևանի ավագանու գալիք ընտրություններին: Ծառուկյանը հայտարարել է, որ պատրաստ է կրել ամենախիստ պատիժը, եթե որևէ մեկը փաստեր ներկայացնի իր կողմից ընտրակաշառք բաժանելու մասին:

«Ինչո՞ւ պետք է փող բաժանեմ: Որպեսզի իմ թեկնածու Նաիրա Զոհրաբյանին քաղաքապետ դարձնեմ և դրա հաշվին գումա՞ր վաստակեմ: Ես պատրաստ եմ իմ միջոցները տրամադրել, որպեսզի նա իրականացնի իր նախագծերը: Այդ թվում՝ լուծի աղբահանության հարցը», — հայտարարել է Ծառուկյանը:

Նախընտրական փուլում նա, ինչպես է Հայաստանի մնացած քաղաքացիները, չի կարողանա նաև բարեգործությամբ զբաղվել: Նախորդ ամենատարբեր մակարդակի ընտրությունների ժամանակ շատերն էին մեղադրում «Բարգավաճ Հայաստան» կուսակցության առաջնորդին, որ նա բարեգործության անվան տակ ձայներ է գնում:

Օլիգարխի հայտարարությունները հնչել են այն բանից հետո, երբ Հայաստանի Ազգային ժողովը միաձայն հաստատել է կառավարության առաջարկած օրենսդրական փոփոխությունների փաթեթը, որը քրեականանցում է ընտրակաշառքները: Այսուհետ քրեական պատասխանատվություն են կրելու ոչ միայն նրանք, ովքեր կաշառք կբաժանեն, այլև վերցնողները:

Ավելի վաղ Հայաստանի վարչապետ Նիկոլ Փաշինյանը հայտարարել էր, որ մտադիր է «անթերի» ընտրություններ անցկացնել, որոնք ոչ ոքի մոտ դրանց արդարության առումով կասկածներ չեն առաջացնի:

Օրենսդրական փոփոխությունների փաթեթը շուտափույթ ընդունվել է ավագանու՝ սեպտեմբերի 23-ին կայանալիք ընտրությունների նախաշեմին: