Հայ լրագրողն ու ադրբեջանցի փաստաբանը Կանանց խիզախության միջազգային մրցանակի են արժանացել
Ադրբեջանցի փաստաբան Շահլա Գումբատովան և հայ լրագրող Լյուսի Քոչարյանը դարձել են Կանանց խիզախության միջազգային մրցանակի (International Women of Courage Award) 12 հաղթողներից մեկը։ ԱՄՆ Պետքարտուղարության այս մրացանակը հանձնվում է տարին մեկ՝ 2007–ից ի վեր, ողջ աշխարհի այն կանանց, որոնք քաջություն և լիդերություն են դրսևորել խաղաղության, արդարության, մարդու իրավունքների, գենդերային հավասարության և կանանց իրավունքների և հնարավորությունների ընդլայնման հարցերում։
Շահլա Գումբատովան ադրբեջանցի սակավաթիվ փաստաբաններից մեկն է, որը պաշտպանում է իրավապաշտպանների, լրագրողների, բլոգերների, ակտիվիստների, ընդդիմադիրների և ԼԳԲՏ համայնքի ներկայացուցիչների, որոնց պետությունը հետապնդում է նրանց հայացքների կամ իրավունքների և ազատությունների պահպանման պահանջներ հնչեցնելու համար։ Ընդ որում, Գումբատովան իր գործունեության համար հաճախ բախվում է սպառնալիքների և ճնշումների։
Լյուսի Քոչարյանը պայքարում է հոգեկան հիվանդություն ունեցող երեխաների իրավունքների համար և կանանց ու երեխաների նկատմամբ բռնության դեմ։ Նա նույնպես կտրուկ քննադատության և դատական հայցերի սպառնալիքների է բախվում։
Կազմակերպիչները հաշվի են առել Քոչարյանի ջանքերն ու խիզախությունը, որը Հայաստանում բարձրացրել է ընտանեկան և սեռական բռնության թեման և պնդում է, որ այդ ոլորտում պետք է լուրջ միջոցներ ձեռնարկվեն։
Մրցանակաբաշխությունը կկայանա մարտի 4–ին Վաշինգտոնում տեղական ժամանակով 10:00–ին։ Մրցանակները կհանձնի ԱՄՆ պետքարտուղար Մայք Պոմպեոն, հաղորդում է «Ամերիկայի ձայնը»։
• Բիզնեսի նոր ձև Հայաստանում, որն օգնում է մարդկանց խնդիրները լուծել
