«Մեր զգոնությունը պահանջվածից և իրատեսականից մի փոքր ավելի ենք թուլացրել» - Հայաստանի վարչապետ

Օգոստոսի 21-ի դրությամբ Հայաստանում կորոնավիրուսով վարակվածների թիվն ավելացել է 158-ով և դարձել 42 477:

Մահացել է ևս 6 մարդ: Մահացածների ընդհանուր թիվը հասավ 842-ի։

Մահվան դեպքերի վերաբերյալ առողջապահության նախարարությունից հայտնում են, որ բոլոր պացիենտներն ունեցել են ուղեկցող քրոնիկական հիվանդություններ:

Առողջացել է ևս 217 պացիենտ, նրանց ընդհանուր թիվը կազմում է 35 693։

Շարունակում է բուժում ստանալ 5 689 մարդ։

Ընդհանուր առմամբ, կատարվել է 192 199 թեստավորում, անցած օրվա ընթացքում՝ 1 639:

● Կորոնավիրուսը կարող է օդով փոխանցվել։ Սա հայտարարվել է պաշտոնապես և փոխում է համավարակի դեմ պայքարի ողջ համատեքստը

● Հայաստանը չի բացի սահմանները մինչև զբոսաշրջային սեզոնի ավարտը

Վարչապետ Նիկոլ Փաշինյանը կոչ է արել քաղաքացիներին խստագույնս պահպանել կորոնավիրուսի հակահամաճարակային կանոնները՝ չնայած վարակվածների թվի նվազմանը։ Այլապես, Փաշինյանի խոսքով, իրավիճակը երկրում կարող է կրկին վատթարանալ․

«Մենք անհատական պատասխանատվության մակարդակում մեր զգոնությունը պահանջվածից և իրատեսականից մի փոքր ավելի ենք թուլացրել: Իմ կոչն է մեր հայրենակիցներին՝ առավելագույնս պահպանել հակահամաճարակային կանոնները։ Այդտեղ առանցքային նշանակություն ունի դիմակի կրման պայմանների պահպանումը: Հաշվի առնելով նաև այն, որ այդ պայմանները բավականին թուլացվել են»։