Հայաստանում կորոնավիորւսը հասել է վարչապետի աշխատակազմ․ 2 աշխատակցի թեստը դրական արդյունք է տվել

Հայաստանում անցած մեկ օրում գրանցվել է կորոնավիրուսից մահվան 49-րդ դեպքը։ Մահացածը 81 տարեկան տղամարդ է։ Նա ունեցել է ուղեկցող խրոնիկական հիվանդություններ։

Մայիսի 14-ի դրությամբ կորոնավիրուսով վարակվածների թիվն ավելացել է 142-ով և հասել 3 860-ի։ Բուժվածների թիվն ավելացել է 72-ով, նրանց ընդհանուր թիվը կազմում է 1 572: Շարունակում են բուժում ստանալ 2 218 մարդ:

• Ինչ տեսք ունի Երևանը տեղաշարժի սահմանափակման չեղարկումից հետո։ Տեսանյութ
• Քաղաքական գործիչները՝ կորոնավիրուսի մասին։ Ինչո՞ւ է Հայաստանը վարակվածների թվով առաջատարը տարածաշրջանում

Հայաստանում կորոնավիրուսը հասել է նաև վարչապետ Նիոկլ Փաշինյանի աշխատակազմ։ Վարչապետի խոսնակ Մանե Գևորգյանի խոսքով՝ վիրուսը հայտնաբերվել է երկու աշխատակիցների մոտ։

Խոսնակը նշեց նաև, որ երկու աշխատակիցներն էլ մեկուսացված են, իսկ վարչապետը թեստ հանձնելու կարիք չունի, քանի որ այդ աշխատակիցների հետ նա չի շփվել։

Մայիսի 14-ին առավոտյան կառավարությունն ընդունեց որոշում երկարաձգել արտակարգ դրությունը ևս մեկ ամսով՝ մինչև հունիսի 13-ի ժամը 17:00։