Հայաստանում իշխող Հանրապետական կուսակցությունը կարող է մեծամասնություն ստանալ և նոր խորհրդարանում

Կենտրոնական ընտրական հանձնաժողովի ժամը 10:00-ի տվյալներով՝ Հայաստանի հանրապետական կուսակցությունը հավաքել է ընտրողների 49,17%-ի ձայները: Նրան հաջորդում է «Ծառուկյան» դաշինքը, որը հավաքել է 27,38%: Դեռևս մշակվել են 2009-ից 1977 ընտրատեղամասի տվյալները:

Սակայն ընտրությունների ավարտից անմիջապես հետո հայտարարվել են Exit—poll—ի արդյունքները, որոնք բավականին մոտ են իրականությանը: 125 ընտրատեղամասից դուրս գալուց հետո հարցմանը մասնակցել է 30 հազար ընտրող: Exit—poll—ն անցկացրել է «Baltic Surveys/The Gallup Organization»-ը Հայաստանի սոցիոլոգիական ասոցիացիայի աջակցությամբ: Ահա դրա տվյալները.

• Հայաստանի հանրապետական կուսակցությունը (ՀՀԿ) հավաքել է ձայների 46%-ը,
• «Ծառուկյան» դաշինքը՝ 25%-ը,
• «Ելք» դաշինքը՝ 10%-ը,
• Հայ հեղափոխական «Դաշնակցությունը»՝ 5%-ը,
• «Հայկական վերածնունդ» կուսակցությունը՝ 4%-ը,
• «Օհանյան—Րաֆֆի—Օսկանյան» դաշինքը՝ 3%-ը,
• «Կոնգրես-ՀԺԿ» դաշինքը՝ 3%-ը,
• «Ազաատ դեմոկրատներ» կուսակցությունը՝ 2%-ը,
• Հայաստանի կոմունիստական կուսակցությունը՝ 2%-ը:

Այս պահին տպավորություն է ստեղծվում, որ անգամ առաջատար ՀՀԿ-ն հազիվ թե հավաքի անհրաժեշտ 54% ձայնը կայուն մեծամասնություն կազմելու համար: Երկրի նոր Ընտրական օրենսգիրքը նման դեպքերում հետևյալ ընթացակարգն է ենթադրում. ընտրական շեմը հաղթահարած քաղաքական ուժերին (5%՝ կուսակցույթունների համար, 7%՝ դաշինքների) 6 օր ժամանակ է տրվում կոալիցիա կազմելու համար:

Ընդ որում, դրա կազմում կարող է առավելագույնը 3 քաղաքական ուժ լինել: Նրանք պետք է համաձայնության գան ապագա վարչապետի թեկնածության շուրջ: Եթե կոալիցիա չի կազմվում, 28 օրից պետք է կայանա խորհրդարանական ընտրությունների երկրորդ փուլը: Դրան կմասնակցեն ձայների մեծամասնությունը հավաքած երկու քաղաքական ուժ:

Ինչ վերաբերում է ընտրությունների ընթացքին, ապա դրանք բավականին հանգիստ են անցել: Դիտորդներն ու լրագրողները հաճախ հաղորդել են քվեարկության գաղտնիության խախտման դեպքերի մասին, ավելի հազվադեպ՝ ընտրողներին կաշառելու և կրկնակի քվեարկության մասին: Գլխավոր դատախազությունն ավելի քան 1300 հաղորդագրություն է ստացել, սակայն «ընտրական բնույթի հանցագործությունների հատգանիշներ» նկատվել են միայն հինգ դեպքից մեկում: