Հայաստանում ընտրողների մատնահետքերը կկցագրվեն էլեկտրոնային ընտրացուցակներին

Այսօր կառավարության նիստի ժամանակ որոշվել է ՀՀ ոստիկանությանը կառավարության պահեստային ֆոնդից տրամադրել 3 մլն դրամ (շուրջ 6 հազար դոլար)՝ խորհրդարանական ընտրություններին ընդառաջ անհրաժեշտ սարքավորումներ գնելու և ընտրողների մատնահետքերի էլեկտրոնային բազա ստեղծելու համար:

Ինչպես հայտնել է ՀՀ փոխոստիկանապես Վարդան Եղիազարյանը, ընտրողների մատնահետքերով համապատասխան էլեկտրոնային բազան կկցագրվի ընտրացուցակներին:

Ծրագրային բազայի նպատակն է պահանջվող ձևաչափով արտահանել ընտրողների մատնահետքերը կամ մատնահետքերի ձևանմուշները ՀՀ ոստիկանության տիրապետման տակ գտնվող ՀՀ բնակչության կենսաչափական անձնագրերի և նույնականացման քարտերի տվյալների բազայից: