Հայաստանի և Ադրբեջանի նախարարները կհանդիպեն սեպտեմբերին

Հայաստանի և Ադրբեջանի արտաքին գործերի նախարարները հանդիպելու են Նյու Յորքում: Այս մասին հայաստանյան լրատվամիջոցների հետ ճեպազրույցի ժամանակ ասել է ՀՀ ԱԳ նախարար Էդվարդ Նալբանդյանը:

Վերջինս տեղեկացրել է նաև, որ հանդիպումը կկայանա սեպտեմբերին:

«Հանդիպման օրակարգում այն հարցերն են, որոնց մասին մենք բազմիցս ասել ենք. համապատասխան պայմաններ ստեղծել, որ առաջ տանենք բանակցային գործընթացը»,- ասել է Հայաստանի արտաքին գործերի նախարարը:

Էդվարդ Նալբանդյանը նաև ասել է, որ բանակցություններին այլընտրանք չկա. «Հեծանիվ հնարել դժվար է, այն ինչ որ կա, եղել է, դրա շուրջ մենք բանակցում ենք»:

Իսկ ինչ վերաբերում է Հայաստանի և Ադրբեջանի նախագահների հնարավոր հանդիպմանը, ապա Նալբանդյանն այս առնչությամբ ասել է, որ դեռևս որևէ  կոնկրետ բան չկա: