Հայաստանի խորհրդարանի պատգամավորին Վրաստան չեն թողել
Վրացի սահմանապահները խոչընդոտել են Հայաստանի «Երկիր ծիրանի» ընդդիմադիր կուսակցության ղեկավար Զարուհի Փստանջյանի՝ Վրաստան մուտք գործելուն:
«Ազատություն» ռադիոկայանի տվյալներով՝ հայ ընդդիմադիր գործիչն անարգել հատել է սահմանը հայկական կողմից «Բավրա» հսկիչ անցակետում: Սակայն վրացական «Նինոծմինդա» հսկիչ անցակետում սահմանապահները Զարուհի Փոստանջյանին հաղորդել են, որ նրա մուտքը Վրաստանի տարածք արգելված է:
Զարուհի Փոստոնջյանն իր կուսակիցների հետ ուղևորվում էր Ախալքալաքի շրջան հայ համայնքի ներկայացուցիչների հետ հանդիպման:
Ազատություն ռադիոկայանի հայկական ծառայության հետ զրույցում Զարուհի Փոստանջյանը հայտարարել է, որ, չնայած իր պահանջին, վրացի սահմանապահներն այդպես էլ չեն հստակեցրել, թե ինչու իրեն թույլ չեն տալիս Վրաստան մուտք գործել: Ինքը Փոստանջյանը ենթադրում է, որ դա վրացական կողմն արել է հայկական իշխանությունների խնդրանքով:
• Զարուհի Փոստանջյանը Հայաստանի խորհրդարանի հազվագյուտ պատգամավորներից մեկն է, որը բացահայտ քննադատում է Հայաստանի անդամակցությունը Եվրասիական տնտեսական միությանը:
• 2015թ-ին Զարուհի Փոտանջյանն իր գաղափարակիցների հետ Թբիլիսիում բողոքի ցույց էր կազմակերպել հայկական եկեղեցու բացման արարողությանը, որին մասնակցում էր Հայաստանի նախագահ Սերժ Սարգսյանն ու «Վրացական երազանքի» հիմնադիր Բիձինա Իվանիշվիլին:
