Հայաստանը ընդգրկվել է տնտեսապես առավելապես ազատ երկրների խմբում

Տնտեսական ազատության 2017 թվականի ինդեքսով գնահատվել են 180 երկիր, որոնց շրջանում Հայաստանը 70.3 միավորով զբաղեցրել է 33-րդ տեղը: Նախորդ տարվա ցուցանիշի համեմատ, Հայաստանը բարելավել է իր դիրքերը 21 տեղով:

Առավելապես անկախ երկրների Եվրոպայի խմբում Հայաստանը զբաղեցրել է 19-րդ տեղը 45 երկրից, գլխավորում է ԱՊՀ երկրների ցանկը և տարածաշրջանի երկրների շարքում զիջում է միայն Վրաստանին:

Գրանցված ցուցանիշը հնարավոր է դարձել, քանի որ բարելավվել են, օրինակ, սեփականության իրավունքների, ներդրումային, գործարար, ֆինանսական ազատությունների բաղադրիչները, գրանցվել է կառավարության ինտեգրվածության մակարդակի առաջընթաց: