Համբուրել է տղան նրան, համբուրել

19 հոգու հարցրել են փողոցում. «Ընդունելի է արդյո՞ք համբուրվել փողոցում»: Հարցվողներից միայն մեկն է դրական պատասխան տվել: Մնացածը սարսափելի վրդովվել են:

Մի քանի պատասխան՝ տեսաշարում:

— ‘Փողոցում անթույլատրելի է համբուրվելը: Մեզ մոտ դա ընդունված չէ, և մեր քաղաքում երբեք նման բան չես տեսնի’:

— ‘Ես վիրավորվում եմ, երբ տեսնում եմ, որ ոմանք փողոցում համբուրվում են: Ես չեմ ուզում, որ իմ երեխան դա տեսնի’:

— ‘Միգուցե ինչ-որ քաղաքներում դա ընդունելի է: Երբ ես առաջին անգամ տեսա, թե ինչպես է զույգը համբուրվում Մոսկվայի կենտրոնում, ինձ համար դա կարծես պոռնոֆիլմ լիներ’:

— ‘Եթե անգամ ես հայտնվեի Ռուսաստանում, իսկ ես գիտեմ, որ այնտեղ փողոցներում համբուրվում են, ես այնպիսի դաստիարակություն եմ ստացել, որ երբեք ինձ թույլ չէի տա նման բան անել’:

— ‘Դա անքաղաքավարի է: Ի վերջո, Օսիան ավելի վեհ երկիր է’:

— ‘Ամոթ է: Կովկասում միշտ էլ համեստություն եղել է’:

— ‘Դա հենց ինտիմ էլ կոչվում է, որովհետև նախատեսված է միայն երկուսի համար՝ կնոջ և տղամարդու: Նույն հաջողությամբ կարելի է սկսել սեքսով զբաղվել փողոցում’:

— ‘Փողոցում համբուրվելը, իմ կարծիքով, ընդունելի է: Ես Ռուսաստանում եմ անցկացրել իմ ուսանողական տարիները: Եվ այն, ինչ այնտեղից փոխառել եմ, հետս բերել եմ Օսիա: Այն լավը, որ մեզ մոտ կա’:

Հոդվածում հնչած կարծիքներն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության կարծիքի հետ:

Հրապարակվել է 08.04.2016