Կորոնավիրուս. ինչպիսի՞ն է պատկերը աշխարհում մարտի 2-ին: Փաստեր և թվեր

Հիմնական աղբյուրները՝ CNN, BBC

• Կորոնավիրուսից մահացածների թիվը աշխարհում մարտի 2-ի առավոտյան գերազանցեց 3 հազարը: 

• Մարտի 2-ի առավոտյան ողջ աշխարհում կլինիկապես հաստատվել է ընդհանուր առմամբ հիվանդության 88,360 դեպք: Կորոնավիրուսի քարտեզում արդեն ընդգրկված են 67 երկրներ և տարածքներ: 

• Ամբողջ աշխարհում առողջացել է 42,728 մարդ:

• Հիվանդների և մահացածների ամենամեծ թիվը մինչ այժմ Չինաստանում է: Փետրվարի 29-ին այնտեղ դրական միտում նկատվեց. օրական ավելի քիչ վարակվածների դեպքեր գրանցվեցին: Սակայն արդեն մարտի 1-ին Առողջապահության համաշխարհային կազմակերպությունը տեղեկացրեց, որ կրկին սկսել է աճել նոր դեպքերի թիվը չինական Ուհան նահանգում, որտեղից սկիզբ էր առել համաճարակը: 

•Երկրների ցանկում, որտեղ հայտնաբերվել են հիվանդներ, Չինաստանից հետո առաջատար են Հարավային Կորեան, Իտալիան և Իրանը: 

• Ինչպե՞ս խուսափել կորոնավիրուսից և ինչո՞ւմ է դրա սպառնալիքը: Հարցերի պատասխանները երկու րոպեանոց տեսանյութում

• Կորոնավիրուսը աշխարհում և Կովկասում. դեպքերի ժամանակացույց

• Իրավիճակը բարդ է հատկապես Իրանում: Պաշտոնապես հաստատվում է, որ այստեղ հիվանդացել է շուրջ 1000 մարդ, մահացել՝ 54-ը: Բայց միջազգային փորձագետները ենթադրում են, որ իշխանությունները կարող են թաքցնել իրական վիճակագրությունը, և այն շատ ավելի բարձր է: Վատիկանում և Եգիպտոսում Իրանի նախկին դեսպան Հադի Խոսրուշահին մահացել է կորոնավիրուսից, վարակված են և հիվանդանոցներում են գտնվում մի քանի բարձրաստիճան պաշտոնյա:

• Իտալիան մնում է Եվրոպայում կորոնավիրուսի տարածման առաջատարը: Միայն մարտի առաջին օրը այստեղ հայտնաբերվել են ավելի քան 500 նոր հիվանդներ: Ընդհանուր թվով գրեթե 1700 վարակվածներից Իտալիայում մահացել են 34-ը:

•Ադրբեջանում արձանագրվել է 3 հաստատված դեպք: Վարակվածներից մեկը Ռուսաստանի քաղաքացի է, երկուսը՝ Ադրբեջանի: Երեքն էլ ժամանել են Իրանից: Ադրբեջանը փակել է սահմանը Իրանի հետ:

•Հայաստանում արձանագրվել է մեկ հաստատված դեպք: Վարակվածը ժամանել է Իրանից: Հայաստանը մինչ այդ արդեն փակել էր սահմանը Իրանի հետ: 

• Վրաստանում արձանագրվել է երեք հաստատված դեպք. Իրանից ժամանած մոտ 50 տարեկան երկու տղամարդ և Իտալիայից վերադարձած 31-ամյա մի կին, ով աշխատել է «Վրաստանի բանկի» մասնաճյուղերից մեկում: Այժմ այն փակ է, կարանտին է հայտարարված: Վրաստանը փակել է սահմանը Իրանի հետ:

Ինչպես է տարածվում կորոնավիրուսը աշխարհով մեկ 2020-ի հունվարի 22-ից փետրվարի 26-ը: Երկնագույնով նշված են հիվանդության մասշտաբները, կարմիրով՝ մահացության: Տվյալները՝ WorldOmeter-ի

• Հարավային Կորեայում վարակված են արդեն ավելի քան 3,5 հազար մարդ: Նրանց գրեթե կեսը կրոնական աղանդի անդամներ են, որը, մասնագետների կարծիքով, վիրուսի օջախ դարձավ, քանի որ հրաժարվեց ժամանակին հայտնել այդ մասին: Աղանդի առաջնորդների դեմ քրեական գործեր են հարուցված:  

• Հարավային Կորեայում մարտի 2-ին արդեն փակվել են բոլոր բոլոր եկեղեցիներն ու վանքերը: 

• Մարտի 1-ին մեկ օրում Մեծ Բրիտանիայում 12 նոր դեպք արձանագրվեց: Վարակվածներից 6-ը մեկնել էին Իտալիա, 2-ը՝ Իրան: Ընդհանուր առմամբ, կա 36 հիվանդ: Մեկնաբանելով իրավիճակը՝ առողջապահության նախարարն ասել է, որ «կորոնավիրուսի բռնկումը կարող է Մեծ Բրիտանիային ստիպել փակելու ամբողջական քաղաքներ»:

• Չեխիայում մարտի 1-ին ի հայտ են եկել միանգամից երեք առաջին վարակվածները, երեքն էլ ժամանել են Իտալիայից:

• Իսլանդիայում հիվանդացության առաջին դեպքն է. 60-ամյա տղամարդը ժամանել է Իտալիայից:

• Իսպանիայում 26 նոր դեպքեր կան: Ընդհանուր առմամբ, մարտի 2-ին այնտեղ 84 դեպք է գրանցվել:

• ԱՄՆ-ում, Ավստրալիայում և Թայլանդում կորոնավիրուսից առաջին մահացությա դեպքերն են գրանցվել:

• ԱՄՆ-ում մարտի 2-ին վարակվածների թիվը կազմում է 76: Նախագահ Թրամփը հայտարարել է, որ նոր դեպքերը «հավանական են»:

• Կորոնավիրուսի առաջին դեպքերը են հայտնաբեևվել Աֆրիկայի և Բրազիլիայի մի քանի երկրներում. հիվանդները եկել են Իտալիայից:

• Կորոնավիրուսի տարածման վտանգի պատճառով Ռումինիայի ուղղափառ եկեղեցին կոչ է արել հավատացյալներին եկեղեցում չդիպչել սրբապատկերներին, ինչպես նաև չօգտվել ընդհանուր սպասքից:

• Մոնղոլիայի նախագահը ինքնամեկուսացվել է: Նա վերջերս է վերադարձել Չինաստանից, որտեղ հանդիպել է չին առաջնորդ Սի Ցզինպինին: Նա առաջին և միակ առաջնորդն է, ով եղել է Չինաստանում կորոնավիրուսի բռնկումից հետո:

• Փարիզում մարտի 1-ին Լուվրի 300 աշխատակից հրաժարվեկ են աշխատանքի դուրս գալ և այցելուների համար բացել թանգարանը կորոնավիրուսի վտանգի պատճառով: Ֆրանսիական օրենսդրության համաձայն՝ աշխատակիցը իրավունք ունի հրաժարվել իր պարտականությունները կատարելուց այն դեպքում, եթե նրա կյանքին և առողջությանը «լուրջ և անխուսափելի» վտանգ է սպառնում: Այդ դեպքում նա ամբողջությամբ պահպանում է իր աշխատավարձը և չի կարող ենթարկվել պատժամիջոցների: Մարտի 2-ին Ֆրանսիայում վարակվածների 130 դեպք կա, երկուսը մահացել են:

• Reuters-ի գնահատմամբ՝ համաշխարհային տնտեսությունն արդեն կրում է բազմամիլիարդ վնասներ: 2020 թվականի փետրվարի 24-ից մարտի 1-ը ֆոնդային բորսաների համար ամենավատ շաբաթն է եղել 2008 թվականի ֆինանսական ճգնաժամից հետո:

• Առողջապահության համաշխարհային կազմակերպությունը համաճարակին «շատ բարձր ռիսկի» կարգավիճակ է տվել: