Կորոնավիրուս․ Իտալիան ճգնաժամի մեջ է։ Հիմնական փաստերն ու թվերն աշխարհում և Կովկասում մարտի 10–ին

Հիմնական աղբյուր՝  CNN–ի հատուկ զեկույց

•Կորոնավիրուսով 114,544 վարակված կա աշխարհում մարտի 10–ի առավոտի դրությամբ՝ այն պահից ի վեր, երբ կենտրոնական Չինաստանում հայտնաբերվել են առաջին դեպքերը 2019 թ–ի դեկտեմբերին։

• 4,026 մարդ մահացել է։

• 64,031 մարդ՝ ապաքինվել։

• Կորոնավիրուսի տարածման համաշխարհային վիճակագրությանը կարելի է հետևել այստեղ։

Առավել շատ տվյալ պահին տուժել են այս 10 երկրները

Մայրցամաքային Չինաստան․ 80,754 դեպք; մահացության 3,136 դեպք։

• Իտալիա․ 9,172 դեպք, 463 մահացած հիվանդ։

• Հարավային Կորեա․ 7,513 դեպք, մահվան 54 ելք։

• Իրան․ 7,161 դեպք, մահվան 237 դեպք։

• Ճապոնիա․ 1,210 դեպք, մահացության 16 դեպք (ներառյալ 696 դեպք, որը կապված էր Diamond Princess զբոսանավի վրա վարակի տարածման հետ)։

• Ֆրանսիա․ 1,116 դեպք, մահվան 30 դեպք։

• Գերմանիա․ 1,112 դեպք, մահացու 2 դեպք

• Միացյալ Նահանգներ․ 728 դեպք, մահացության 26 դեպք։

• Իսպանիա․ 647 դեպք, մահվան 28 դեպք։

• Մեծ Բրիտանիա․ 273 դեպք, մահվան 5 դեպք։

• Ինչպե՞ս չվարակվել կորոնավիրուսով, և ո՞րն է դրա սպառալիքը։ Հարցերի պատասխաններ՝ երկու րոպեանոց տեսանյութում 

• Կորոնավիրուս․ այլևս ոչ մի գրկախառնություն, բարևելն՝ արմունկներով և կոշիկներով։ ՏԵՍԱՆՅՈՒԹ

• Ամեն ինչ՝ կորոնավիրուսի մասին

Իրավիճակը Կովկասում

• Ադրբեջանում հաստատված 11 դեպք կա, բոլոր հիվանդներն Իրանից են ժամանել։ Ադրբեջանն Իրանի հետ սահմանը փակել է, երկրով մեկ փակ են դպրոցներն ու մանկապարտեզները։

• Հայաստանում հաստատված մեկ դեպք կա։ Վարակվածն Իրանից է եկել։ Հայաստանը վիզային ռեժիմ է մտցրել Իրանի հետ, դպրոցներն ու մանկապարտեզները փակվել էին մեկ շաբաթով, այժմ կրկին գործում են։ 

• Վրաստանում հաստատված 15 դեպք կա։ Երկուսն Իրանից են ժամանել, մնացածներն՝ Իտալիայից։ Վրաստանը փակել է Իրանի հետ սահմանը, փակ են դպրոցներն ու մանկապարտեզները։ Այստեղ մանրամասն վերլուծություն կարելի է կարդալ Վրաստանում տիրող իրավիճակի՝ վարակի աղբյուրների և պոտենցիալ սպառնալիքների մասին։

Վարակման դեպքերի դրամատիկ աճ Եվրոպայում, Իտալիան ճգնաժամի մեջ է

• Ողջ Իտալիան մարտի 10–ից ամբողջությամբ փակ է մուտքի և ելքի համար կորոնավիրուսով վարակվելու դեպքերի հսկայական աճի պատճառով։ 97 մարդ է այստեղ մահացել ընդամենը մեկ օրում։ Այս պահի դրությամբ՝ Իտալիայում կորոնավիրուսից մահացել է 463 մարդ, 9,172–ը վարակված է։

Ամենաշատը տուժած հյուսային Լոմբարդիայի շրջանում ճգնաժամի համակարգողը CNN-ին ասել է, որ Լոմբարդիայի առողջապահական համակարգը «մեկ մազի վրա է կոլապսից»։

• Ֆրանսիայի մշակույթի նախարար Ֆրանկ Ռիստերը վարակվել է կորոնավիրուսով, նա տանն ինքնամեկուսացման ռեժիմում է։

Միայն մեկ օրում՝ մարտի 9–ին, Ֆրանսիայում գրանցվել է կորոնավիրուսով վարակման 286 նոր դեպք։ Ընդհանուր առմամբ, այստեղ 1,412 հիվանդ կա, 30 մարդ է մահացել վարակից։

• Իսպանիայում արագ աճում է հիվանդների թիվը։ Ընդհանուր առմամբ, վարակված է 1,231 մարդ, 28 հիվանդ մահացել է։ Մարտի 10–ին հայտարարվել է նոր սահմանափակումների մասին, փակ են բոլոր ուսումնական հաստատություններն ու զվարճանքի կենտրոնները ողջ երկրում։

Հարավային Կորեայում վարակվել է մեկ կազմակերպության 50 աշխատակից

• Սեուլում՝ Հարավային Կորեայում, մեկ լրատվական կենտրոնի միանգամից 50 աշխակից է վարակվել կորոնավիրուսով։ Դա տեղի է ունեցել Հարավային Կորեայում վարակի տարածման ակնհայտ դանդաղման ֆոնին, որտեղ ամեն օր վարակման ավելի քիչ նոր դեպքեր են գրանցվում։

Ընդհանուր առմամբ, 7,513 հիվանդ կա, 45 մարդ մահացել է վարակից։

Լավ լուրեր Չինաստանից

• Չինաստանի Ուհան քաղաքում, որը կորոնավիրուսի համաճարակի կենտրոնն է, մարտի 10–ին փակվել են «դաշտային» վերջին երկու հիվանդանոցներն այն բանից հետո, երբ այնտեղից դուրս են գրվել ապաքինված հիվանդները։ Ուհանը դեռևս լիովին փակ է, սակայն Հուբեյի շրջանում, որի մայրաքաղաքն Ուհանն է, նույնպես մարտի 10–ից սկսել են  աստիճանաբար հանվել տեղաշարժի սահմանափակումները՝ դեռևս միայն շրջանի ներսում։

Մարտի 9–ի ընթացքում Չինաստանում գրանցվել է կորոնավիրուսի միայն 19 նոր դեպք, դրանցից 17–ը՝ Հուբեյում։ Դեռ բոլովին վերջերս այստեղ վարակման օրական հարյուրավոր դեպք էր գրանցվում։

ԱՄՆ․ նախագահ Թրամփը սպառնալիքի տակ է, կառավարության անդամներն՝ ինքնամեկուսացման մեջ

• ԱՄՆ–ում խոսում են այն մասին, որ Դոնալդ Թրամփը կորոնավիրուսով վարակվելու սպառնալիքի տակ է, թեև Սպիտակ տունը պնդում է, որ նա թեստավորում անցնելու կարիք չունի։ Թրամփի անմիջական շրջապատում ախտորոշում ունի մեկ մարդ, և կառավարութան առաջատար անդամներից մի քանիսն, այդ թվում՝ Սպիտակ տան շտաբի պետ Մարկ Միդոուզն, արդեն ընտրել է ինքնամեկուսացումը որպես կանխարգելիչ միջոց։

ԱՄՆ–ում կորոնավիրուսի 755 դեպք է գրանցվել, հիվանդներից 26–ը մահացել են։ Երկրում բոլոր դպրոցներն անցել են առցանց ուսուցման, շատ համալսարաններ՝ նույնպես։

• Ամերիկյան երեք խոշորագույն ֆինանսական կառույցներ 125 մլն դոլար են տրամադրում կորոնավիրուսի համաճարակի դեմ պայքարի համար․ Բիլ Գեյթսի հիմնադրամը, Wellcome–ն ու Mastercard–ը։