Լոնդոնի Բիգ Բենը լռելու է չորս տարի

Այս շաբաթվա սկզբին Լոնդոնի Բիգ Բեն աշտարակի հայտնի ժամացույցը ղողանջել է վերջին անգամ մինչև 2021թ-ը վերանորոգման կանգնելուց առաջ, հաղորդում է Բի-Բի-Սին:

Դրանից առաջ Բիգ Բենի զանգերը հնչում էին ժամը մեկ 157 տարի շարունակ:

Այդ ընթացքում ժամացույցն ընդամենը երեք անգամ է կանգնել վերանորոգման 1983, 1985 և 2007 թվականներին:

Հսկիչ Սթիվ Ջագսի խոսքով՝ ժամացույցի կանգնելը կարևոր փուլ է աշտարակի վերանորոգման նախագծում: Ավարտելուց հետո աշտարակում այնպիսի հարմարություններ կհայտնվեն, ինչպիսիք են վերելակը, խոհանոցն ու զուգարանը: Բացի այդ, շենքն ավելի էներգաարդյունավետ կդառնա:

Հայտնի ժամացույցն ապամոնտաժվելու է մաս-մաս և ուղարկվելու է վերանորոգման: Նույնպես կվերանորոգվի աշտարակի գագաթի լուսարձակը, որը միանում է, երբ բացվում է խորհրդարանի նիստը:

Բի-Բի-Սի-4 ռադիոկայանը, որն ավանդաբար փոխանցում է Բիգ Բենի ժամացույցի ղողանջն ուղիղ եթերում, որոշել է վերանորոգման ժամանակ փոխանցել եթերում դրա ձայնագրությունը:

Հատուկ առիթներով՝ Նոր տարուն, հիշատակման կիրակիներին Բիգ Բենն այնուամենայնիվ աշխատելու է: