Ադրբեջանում կալանավորվել է Հայաստանի գերեվարված քաղաքացին

Բաքվի ռազմական դատարանի որոշմամբ՝ Հայաստանի 51-ամյա քաղաքացի Լյուդվիգ Մկրտչյանը կալանավորվել է գերեվարված ադրբեջանցիների խոշտանգելու մեղադրանքով։

• Փոփոխություններ քարտեզներում, շրջափակում, նոր գերիներ Արցախում․ ի՞նչ է կատարվում․ մեկնաբանություն Բաքվից

Մկրտչյանն ինքը գերեվարվել է արցախյան երկրորդ պատերազմի ժամանակ։ Նա կասկածվում է ադրբեջանցի ռազմագերիների խոշտանգման համար, որոնք հայկական կողմում են հայտնվել 90-ականների սկզբին արցախյան առաջին պատերազմի ժամանակ։

Հայաստանի քաղաքացու դեմ քրեական գործի մանրամասները չեն նշվում։

Լյուդվիգ Մկրտչյանը կալանավորվել է չորս ամսով՝ դեռ նախնական հետաքննություն է ընթանում։