Իսպանացի լրագրողներ Անտոնիա Պամպլիեգուին և Անխել Սաստրեին արտաքսել են Ուկրաինայից և արգելել մուտք գործել երկիր մինչև 2020թ.: Պաշտոնական վարկածը Դոնբասում իրադարձությունների սուտ լուսաբանումն է:
Տեղի ունեցածին անդրադարձել ենHromadske.uaպորտալի լրագրողները:
«Նրանք սուտ նյութեր են գրել, այդ թվում նաև այն մասին, որ ուկրաինական բանակը կրակ է բացում ուկրաինական խաղաղ քաղաքների և գյուղերի ուղղությամբ»,-հայտարարել է Ուկրաինայի Անվտանգության ծառայություն ներկայացուցիչ Ելենա Գիտլյանսկայան:
Լրագրողներից մեկը՝ Անխել Սաստրեն, իր հերթին հայտարարել է:
«Ինձ հետաքրքրում է ոչ միայն պատերազմը, բոլոր այս պայթյունները, այլ առաջին հերթին մարդկանց կյանքը: Այդ մասին էլ գրել եմ»:
Նրա հոդվածում, մասնավորապես, խոսվում է ուկրաինական կողմից ոչ թիրախային կրակոցների մասին:
Խնդիր է առաջացրել նրա այսպես կոչված «Դոնեցկի ժողովրդական հանրապետություն» խորագրով հրապարակումը, որում որպես տեղեկատվության աղբյուրներ նշված են միայն գրոհայինները: Նյութում ոչինչ ասված չէ Ռուսաստանի դերակատարման և Կրեմլի կողմից անջատողականներին աջակցելու մասին:
Ուկրաինական զորքերի գործողությունները քննադատել է Մադրիդի Լրագրողների ասոցիացիան,Լրագրողների միջազգային ֆեդերացիան և Լրագրողների եվրոպական ֆեդերացիան խնդրում եմ Եվրոպայի Խորհրդին արձագանքելիսպանացի թղթակիցների արտաքսմանը Ուկրաինայից:
Մեկ անգամ արդեն արգելվել էր Պամպլիեգեի և Սաստրեի մուտքն Ուկրաինա՝ 2015թ. . Այդ ժամանակ որոշումը չեղարկվել էր միջազգային սկանդալից հետո Ուկրաինայի նախագահ Պյոտր Պորոշենկոյի հրահանգով: