Ինչպես գեղեցիկ ձայն ունեցող թառ պատրաստել. արհեստի գաղտնիքները

Գուրբան Վերդիևը տեղահանվել է Շուշիից: Այժմ նա բնակվում է Ադրբեջանի Բարդայի շրջանի Մուստաֆալի գյուղում: Իր փոքր արհեստանոցում թառ է պատրաստում: [Թառն ադրբեջանական ազգային լարային գործիք է]:

Թառի պատրաստումը երկարատև ու դժվար գործ է: Գուրբանի կարծիքով, վարպետի հիմնական խնդիրն արհեստի չափանիշներին հնարավորինս մոտ լինելն է: Թառի չափսը, օգտագործվող նյութերն ու պատրաստման եղանակը` այս ամենը սահմանվել է դարեր առաջ:

Շուշիի գործարանում, որտեղ պատանի Գուրբանը խնդրել էր իրեն աշխատանքի վերցնել, մշակույթի նախարարության կողմից հաստատված այդ չափանիշները խստորեն պահպանվում էին:

Գուրբանն իր արհեստի նկատմամբ հետաքրքրության բացակայությունից է բողոքում.

«Մի ժամանակ թառն ընդհանրապես ոչ ոքի չէր հետաքրքրում. այն ժամանակ ես կարծես նեղացա արհեստից ու դադարեցի աշխատել: Հետո նորից սկսեցի: Վերջերս իրավիճակը բարելավվել է, բայց, միևնույն է, տարվա մեջ մեկ-երկու թառ ենք վաճառում: Առանց աջակցության դժվար է»:

Գուրբան Վերդիևը կարծում է, որ պետք է ցուցահանդեսներ կազմակերպել զբոսաշրջիկներին գրավելու նպատակով, այդ դեպքում բիզնեսն էլ առաջ կգնա: Իսկ մինչ այդ նա աշխատում է, ինչպես ինքն է ասում` «որ չկորցնի» ավանդական թառն ու բարեհաջող փոխանցի նրա գաղտնիքները հետագա սերունդներին:

Չլսված ձայներ» նախագիծը International Alert’s կազմակերպության` Լեռնային Ղարաբաղի հակամարտությանը վերաբերող աշխատանքի մաս է կազմում: Այն հակամարտությունից տուժող հասարակությունների լրագրողների աշխատանքի և «ոչ պատերազմի, ոչ խաղաղության» վիճակում ապրող մարդկանց առօրյա կյանքի վրա հակամարտության ազդեցությունը լուսաբանող նրանց համատեղ ջանքերի արդյունքն է: Նախագծի նպատակն այդ մարդկանց ձայները լսելի դարձնելն է` և’ սեփական հասարակության մեջ, և’ հակամարտության հակառակ կողմում` ընթերցողներին հնարավորություն տալով տեսնել «թշնամու» կերպարի հետևում թաքնված իրական դեմքերը:

Այս ծրագիրը ֆինանսավորվում է Եվրոպական միության կողմից` «Եվրոպական գործընկերություն` հանուն Լեռնային Ղարաբաղի հակամարտության խաղաղ կարգավորման» (EPNK) նախաձեռնության շրջանակներում:

Այս էջում հրապարակված նյութերի համար պատասխանատու են բացառապես լրագրողները, դրանք պարտադիր չէ, որ արտացոլեն «International Alert»-ի կամ դոնոր կազմակերպությունների կարծիքը կամ քաղաքականությունը: Մեր բոլոր լրագրողները հետևում են որոշակի վարքականոններին, որոնց կարելի է ծանոթանալ այստեղ: