Ի՞նչ է քննարկվել Աբխազիայում Ռուսաստանի նախագահի օգնականի հանդիպումների ընթացքում
ՌԴ նախագահի օգնական Վլադիսլավ Սուրկովն Աբխազիա է ժամանել և հանդիպել նախագահ Ռաուլ Հաջիմբայի հետ:
Ինչպես ասել է Հաջիմբան լրագրողներին հանդիպումից հետո, քննարկվել են հարցեր, որոնք «թույլ են տալիս մտածել, որ աշխատանքները բավականին դրական հունով են ընթանում»:
Ընդհանուր առմամբ Սուրկովն ու Հաջիմբան հետևյալ հեռանկարներն ու ձեռքբերումներն են նշել:
Ռուսական ներդրումներն Աբխազիայում
Վլադիսլավ Սուրկովը հաղորդել է, որ Աբխազիայում ռուսական ներդրումային ծրագրերի իրականացումը համապատասխանում է այն փաստաթղթերին, որոնք ստորագրվել են աբխազական և ռուսական կողմերի միջև:
«Աբխազիայի քաղաքական կայունությունն օգնում է հանրապետության զարգացմանը”, — ասել է նա:
«Գործարկվել է ներդրումային ծրագրի հերթական փուլը, ֆինանսական միջոցները գալիս են Ռուսաստանից, բոլոր օբյեկտների վերաբերյալ որակյալ փաստաթղթեր են նախապատրաստվել, որոնց զգալի մասը ենթակառուցվածքային օբյեկտներ են, ինչն ինձ շատ կարևոր է թվում, — ասել է Վլադիսլավ Սուրկովը: — Դա կարևոր է զբոսաշրջային, տնտեսական և արդյունաբերական հատվածի համար”:
Սուրկովը հաղորդել է, որ Մոսկվան ավելի քան միլիարդ ռուբլի արժողությամբ նախագծեր է հաստատել [մոտ $17 մլն]:
“Դա և հյուրանոցային բիզնես է, և սննդամթերք, և գյուղատնտեսություն: Ուրախալի է այն, որ մեր աշխատանքը կարգավորված է», — ասել է Սուրկովը:
Աջակցություն սոցիալական ոլորտում
“Երկու երկրների հարաբերություններն անցել են ինտեգրացիայի ավելի բարձր մակարդակ: Սոցիալական ինտեգրացիան աճում է, և Աբխազիայի բնակիչները դա զգում են. աճել են կենսաթոշակներն ու մի շարք այլ սոցիալական նպաստներ”, — ասել է Սուրկովը:
Համագործակցություն ռազմական և սահմանային ոլորտներում
Վլադիսլավ Սուրկովը “շատ լուրջ քայլ” է անվանել համատեղ խմբավորման ստեղծման գործընթացն անվտանգության ոլորտում առկա պայմանագրի շրջանակում:
Վլադիսլավ Սուրկովն այցելել է նաև Ի. Պապասկիրի անվան ազգային գրադարան և №3 դպրոց, որոնք վերանորոգվել են ռուսական ներդրումային ծրագրի միջոցով:
Դաշնակցության և ռազմավարական գործընկերության մասին ռուս-աբխազական պայմանագիրը ստորագրվել է Աբխազիայի և ՌԴ նախագահների կողմից 2014թ-ի նոյեմբերի 24-ին:
Վլադիսլավ Սուրկովի նախորդ այցն Աբխազիա տեղի է ունեցել 2016թ-ի հուլիսին:
Ո րոշ ժամանակ անց Հարավային Օսիայի ընդդիմադիր քաղաքական գործիչ, նախկին նախագահ Էդուարդ Կոկոյտին Վլադիսլավ Սուրկովին հանրային կերպով անվանել է «Կրեմլի կողմից Աբխազիայի և Հարավային Օսիայի համակարգող» և ասել, որ Սուրկովը “արևմտամետ չարք է և խրախուսում է կոռուպցիան Հարավային Օսիայում»: Դետալները՝ JAMnews-ի հրապարակման մեջ:
https://jam-news.net/?p=45053&lang=hy
Հրապարակման մեջ տեղ գտած տերմինները, տեղանունները, մտքերը և գաղափարները պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարկումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի:
