Թրամփ. Իրանը համար մեկ ահաբեկչական պետությունն է

ԱՄՆ նախագահն Իրանը «համար մեկ ահաբեկչական պետություն» է անվանել: Այդ մասին Դոնալդ Թրամփը հայտարարել է Fox News հեռուստաալիքին տված հարցազրույցում, որից մի հատված է ցուցադրվել եթերում:

«Իրանը մեզ բոլորովին չի հարգում: Դա համար մեկ ահաբեկչական պետությունն է: Նրանք ամենուր փողեր և զենք են բաժանում», — հայտարարել է Թրամփը:

Միաժամանակ նա ուղղակիորեն չի պատասխանել Թեհրանի դեմ ուժի հնարավոր կիրառման մասին հարցին՝ նշելով, որ «մենք երբեք չեն խոսել մեր ռազմական ուժի կիրառման մասին»:

ԱՄՆ-ն ծայրահեղ բացասաբար է ընկալել Իրանի կողմից բալիստիկ հրթիռների վերջերս տեղի ունեցած փորձարկմանը, և ընդլայնել է Թեհրանի հանդեպ պատժամիջոցները:

Իր հերթին, Ռուսաստանի ԱԳՆ ղեկավար Սերգեյ Լավրովը չի համաձայնել ԱՄՆ հետ և նշել է, որ Իրանը երբեք չի նկատվել Իսլամական պետության, Ջեբհաթ ան-Նուսրայի և այլ ահաբեկչական խմբավորումների հետ որևէ կապի մեջ լինելու տեսանկյունից:

Լավրովն ավելացրել է, որ Թեհրանը պետք է մասնակից լինի ահաբեկչության դեմ պայքարի ընդհանուր ջանքերին՝ աջակցելով Սիրիայում Ասադի ռեժիմի կողմից կռվող զինված ջոկատներին, «ԻԼԻՊ-ի դեմ պայքարում իր ներդրումն է ունենում»:

Հարկ է նշել, որ ԱՄՆ նախորդ վարչակազմը շատ ջանքեր է թափել Իրանի հետ հարաբերությունները կարգավորելու, մասնավորապես իրանական միջուկային ծրագրի վերաբերյալ համաձայնագրի կնքման համար: Արդյունքում, համաձայնագիրը կնքվել է 2015թ-ին ՄԱԿ Անվտանգության խորհրդի և Եվրամիության մշտական ներկայացուցիչների մասնակցությամբ: Այն ենթադրում է, որ Թեհրանը պետք է հրաժարվի ծրագրի մի շարք բաղադրիչներից պատժամիջոցների փուլ առ փուլ կասեցման դիմաց: